رئيس "مكافحة كورونا" يكشف الفئات الممنوعة من تلقي اللقاح
كشف حسام حسني، رئيس اللجنة العليا لمكافحة فيروس كورونا، عن الفئات الممنوع أن تتلقى لقاح فيروس كورونا، موضحا: “هي قلة قليلة، اللي بتعاني من أمراض مناعية شديدة ونقص حاد في المناعة”.
تابع “حسني” خلال لقائه مع برنامج “كلمة أخيرة” المذاع على شاشة ON وتقدمه الإعلامية لميس الحديدي: “الحوامل مستبعدين علشان لم تجرى دراسات عليهم، فيه بعض الدراسات بتجرى برة على نفس الفئة العمرية وأظن إن في القريب العاجل هيسمح بيه للحوامل”.
نرشح لك: “مكافحة كورونا”: أعداد مصابي كورونا في ازدياد مقارنة بالعام الماضي
استكمل: “لكن أنا شخصيا توصيتي بالنسبة للحوامل هما 9 شهور لو حافظنا على الإجراءات الاحترازية هتحافظ على نفسها ومش لازم تتلقى اللقاح، لا توجد خطورة من اللقاح على الحمل ولكن لا توجد دراسات على السيدة الحامل اللي هتتلقى اللقاح علشان كده بنقول متاخدش اللقاح”.
أضاف: “إحنا في مرحلة الحذر، إحنا شايفين الزيادة في الأعداد، ربنا زي ما أكرمنا بمجهود الدولة ومجهود سيادة الوزيرة عدينا الموجة الأولى والتانية والتالتة، هنعدي الرابعة بإذن الله، لكن هنعدي الرابعة مش بس بمجهودات الدولة ولكن بتعاون الشعب”.
أردف: “الموجة الرابعة فيها كل المتحورات، متحور دلتا وغيره من المتحورات، وده يجعله أكثر انتشارا، وده يخلي دور المجتمع هو الأهم لأن الانتشار عمل مجتمعي، الدولة عملت اللي عليها ووفرت جميع أنواع التطعيمات، أظن إحنا الدولة الوحيدة اللي فيها 5 أنواع من التطعيمات”.
أكد: “إحنا شغالين على مدار الساعة وعندنا كم من التطعيمات يكفي كل من يطلب أن يتلقى التطعيم، دلوقتي عندنا دولة منتجة للقاحاتها، بأكد إن كل اللقاحات داخل جمهورية مصر العربية فعالة وآمنة”.