أبرز النصائح للحماية من الأمراض الناتجة من عض أو خربشة الحيوانات

بسملة سعودي عض و خربشة الحيوانات

تحدث الدكتور أحمد رمزي، استشاري طب المناطق الحارة والأمراض المتوطنة بجامعة عين شمس، عن كيفية الوقاية من عض الحيوانات التي ينتج عنه العديد من الأمراض.

قال “رمزي”، خلال مداخلته عبر زووم ببرنامج “السفيرة عزيزة” الذي يعرض على شاشة “dmc”، مع الإعلامية رضوى حسن والإعلامية شيرين عفت، أن الأمراض التي تنتقل من عض أو خربشة الحيوانات خطيرة موضحا: “في أكتر من مرض ممكن ينتقل عن طريق عض الحيوانات، المرض الأول هو السعار ويمكن ده الأشهر على الإطلاق، ولو الكلب أو القطة أو الحيوان اللي عضني عنده مرض السعار فهو ممكن ينقلي المرض عن طريق اللعاب”.

نرشح لك: هاني الناظر يوضح طرق علاج الهالات السوداء

تابع: “السعار هو عبارة عن فيروس، بينزل يتكاثر في الجرح وبيبدأ ينتقل عن طريق الأعصاب، وبيروح من الأعصاب للجهاز المركزي وبيؤدي للوفاة لقدر الله”.

أضاف الدكتور أحمد رمزي: “المرض التاني اسمه مرض التيتانوس، أي حاجة ممكن تخترق الجلد ممكن تجيبلي مرض التيتانوس لأنه البكتيريا بتاته بتبقى موجودة في شعر الحيوانات، وناب الحيوانات، لأن ساعات الحيوانات بتعمل جرح غائر للشخص وده للأسف بردو مرض قاتل وبشع جدا”.

في نفس السياق: “لازم ناخد حقنة مرض التيتانوس عشان نحمي نفسنا، المستشفيات العامة الكبيرة في كل محافظة بتبقى فيها حقنة السعار والتيتانوس مش في المستشفيات الخاصة”.

استكمل: “لو العضة ناحية الوجه أو الرقبة بناخد أجسام مضادة عشان نمسك الفيروس قبل ما يجري وينتشر في الجسم كله بصفة عامة”.

فيما عن الإجراءات التي تتخذ لإنقاذ الشخص المصاب بعد تعرضه لعض أو خربشة الحيوانات المصابة قائلا: “أهم حاجة لازم نعملها ساعة العضة هو الغسيل المتكرر بالماء والصابون، عشان يعمل إزاحة للعاب اللي على الجرح”.

مراحل الحب في لحن بليغ حمدي

السعار السفيرة عزيزة الوقاية من عض الحيوانات جامعة عين شمس رئيسية رضوى حسن زووم شيرين عفت طب المناطق الحارة عض و خربشة الحيوانات مرض التيتانوس