بسبب أنباء انفصالها.. رسالة رنا سماحة للجمهور

رسالة رنا سماحة للجمهور

علقت الفنانة رنا سماحة، على الأنباء المتداولة بشأن انفصالها عن الملحن سامر أبو طالب.

نشرت “سماحة” عبر حسابها الشخصي على موقع “إنستجرام” صورة لها وعلقت عليها موجهة رسالة للجمهور، كتبت فيها الآتي: “عذراً أيها الترند.. فلدي ما هو أغلى من كنوز العالم، اتعلمت في بيت أهلي إن العلاقة بين الراجل والست أمانه مينفعش تطلع بره البيت، خطيبتك مراتك طليقتك أياً كان”.

نرشح لك: رد رنا سماحة على أنباء انفصالها

تابعت: “الأمانة دي ولاد الأصول بس اللي بيعرفوا يصونوها وميفشوش أسرارها، ولاد الأصول بس اللي مبيكذبوش ولا بيدعوا على بعض بالباطل، ولاد الأصول مبيقذفوش المحصنات كبيرة من الكبائر، ولاد الأصول بس اللي مبيخونوش الأمانة، ولاد الأصول بس مبيفجروش في الخصام، ولاد الأصول مش محتاجين يستعطفوا حد ولا محتاجين يتدعوا المثالية بيسيبوا أخلاقهم تتكلم عنهم ومبيتكلموش هم عنها، ولاد الأصول مبيلقحوش على بعض مبيجيبوش سيرة بعض غير بالخير، ولاد الأصول بيعاشروا بالمعروف وبيفارقوا بالإحسان، ومبينسوش الفضل بينهم”.

أضافت: “ده اللي ربنا أمرنا بيه ده اللي أهالينا ربونا عليه ده اللي الإنسانية بتقوله، أي حاجة غير كده تبقى عدم تربية، قلة دين، انعدام أخلاق، انعدام الأخلاق ده مينفعش نزينه ونقول أوه ترند، في داهية الترند اللي ينسينا أخلاقنا وتربيتنا وأصولنا، الإنسان بيعيش حياته وبيمشي (رحلة)، مش هيفضل منها غير سيرتك وأعمالك الطيبه وكلمتك اللي بتتصدق بيها، سيبوا الخير وانتوا ماشيين عشان الناس تدعيلكم بدل ما يدعوا عليكم، إجعل من يراك يدعو لمن رباك”.

أردفت: “بطلب من أي حد هيكلمني عشان يعرف أي تفاصيل تخص حياتي الخاصة يوفر على نفسه وميكلمنيش، ميهمنيش السبق الصحفي ولا الشو الإعلامي ولا الأكثر بحثاً غير في شغلي فقط في الخير والفرحة وبس”.

اختتمت: “عاهدت نفسي وأهلي والناس اللي بحبهم إني أكون خير قدوة، عاهدت ابني اللي عيني لسه مشفتوش إني أربيه على الأصول والاحترام والرقي، عاهدته إني أربيه يبقى راجل، فمتستنوش مني ما يفعله الآخرون.. مش عايزة أبقى ترند”.

رسالة رنا سماحة للجمهور

 

View this post on Instagram

 

A post shared by Rana Samaha (@ranasamaha)

على صعيد آخر، ردت رنا سماحة، في وقت سابق على أنباء انفصالها من الملحن سامر أبو طالب، قائلة خلال لقائها في برنامج “الستات مايعرفوش يكدبوا”، الذي تقدمه الإعلاميات مفيدة شيحة، منى عبد الغني، سهير جودة، عبر شاشة cbc، إنها لا تريد أن تفضح أسرار حياتها، معلقة: “البيوت ليها نوع من أنواع الخصوصية والاحترام اللي لازم تكون موجودة”.

تابعت: “حتى لو لا قدر الله في انفصال مش لازم الناس تعرف كل حاجة.. مش هقدر أثبت أو أنفي الانفصال في الفترة الحالية”.