الرئيس: "لو سكت عشان الكرسي ربنا هيحاسبني"

قال الرئيس عبد الفتاح السيسي، إنه تحدث عن سعر رغيف العيش لأنه يتصدى لقضايا ومشاكل لا يمكن أن تستمر.

أضاف الرئيس خلال افتتاح مشروعات سكنية بمدينة بدر: “اتصدى لقضايا واستفيد من فرص بنعرض فيها حاجات زي كده وأتكلم، وأنه حال غير قابل للاستمرار والنجاح للدولة”.

نرشح لك: الرئيس: مشروعات العاصمة الإدارية والعلمين لم تمس فيها ميزانية الدولة

أردف الرئيس: “الدعم كان بيتقدم لـ 30 مليون إنسان من 30 سنة.. ودلوقتي حوالي 60-70 مليون.. النمو السكاني زاد وقيمة السلعة زادت وحجم المستفيدين زادوا.. ده كلام نقدر نستمر فيه على طول.. وكمان لما نبقى 120 مليون أو 150 مليون، أنا مش هبقى موجود في الوقت ده.. وأرجو أننا الأمانة نفهم إيه بيحصل وأتعامل معاه وكأنه حصل”.

تابع: “ولو أنا قولت أنا مش هكون موجود في الوقت ده.. وكنت شايف اللي بيحصل للبلد دي بالطريقة اللي ماشيين بها وربنا يسألني كنت فاهم وساكت ليه وكنت عاوز استمر على الكرسي، ربنا هيقولي الكرسي ده اللي جبتك فيه وأنا اللي همشيك منه، مالك الملك يؤتي الملك من يشاء وينزع الملك ممن يشاء”.

أردف: “محدش بيجيب حد ومحدش بيمشي حد.. طب أنت عملت كده ليه هقوله إيه ساعتها.. الأمانة تقتضي التصدي للمشاكل وحلها، ودي فرصة أننا نشوف ده”.