عمرو أديب عن الإقبال على معرض الكتاب: الناس شايلة شنط وبتعبي الكتب
علق الإعلامي عمرو أديب على الإقبال الكبير على معرض القاهرة الدولي للكتاب في دورته 52، وقال: “أنا كعمرو انبهرت، يعني لما يبقى أول يوم 75 ألف واحد داخلين المعرض، انبهرت”.
تابع “أديب” خلال برنامج “الحكاية” المذاع على شاشة MBC مصر: “الناس زي ما انتوا شايفين واخدين معاهم شنط، شنط ماسكينها في أيديهم وبيعبوا كتب”.
نرشح لك: محمود سعد: وائل الإبراشي بيتكلم بصعوبة
استكمل: “برضو إحنا مش عارفين الشباب كويس، مش فاهمين بالظبط إيه الحكاية، عندنا في دماغنا شوية أحكام كده كلاسيكية، لا أصل الشباب مبيقراش، لا مبيتطلعش، لا أصل النت ووسائل التواصل مبتخليهمش يقروا، أومال ده إيه؟ هما رايحين يعملوا إيه؟ يشتروا كتب، يتثقفوا”.
أردف: “زي ما أنت شايف كده الناس شايلة شنط وبتعبي كتب، عندهم مكتبات في البيت، عندهم رغبة إنهم يعرفوا، ففعلا إحنا منعرفش كويس، يعني هو عندنا بس شوية أحكام كده وخلاص، طبعا الموضوع مش سهل، الإجراءات اللي عاملاها وزارة الصحة شيء جامد جدا على أساس إن الناس كلها تبقى آمنة”.