تامر أمين عن خروج بيراميدز من الكونفيدرالية: اللهم لا شماتة
علق الإعلامي تامر أمين، على خروج نادي بيراميدز من نصف نهائي بطولة كأس الكونفدرالية الإفريقية، بعد الخسارة من نادي الرجاء المغربي بركلات الترجيح، وقال: “اللهم لا شماتة، امبارح وأنا قاعد بتفرج على مباراة بيراميدز والرجاء، كان وضعي صعب، كان جوايا إحساسين، واحد ساقع وواحد سخن”.
تابع “أمين” خلال برنامج “آخر النهار” المذاع على شاشة النهار: “جوايا إحساس إن أنا عايز بيراميدز يكسب علشان ده فريق مصري يمثل مصر في الكونفدرالية، طبيعي يعني أي فريق بيمثل مصر في أفريقيا ببقى عايزه يكسب، حتى الزمالك لما بيبقى بيلعب في أفريقيا ببقى عايزه يكسب”.
نرشح لك: عمرو أديب عن التسجيل الصوتي لشيرين: الأزمة مخلصتش
استكمل: “بس الإحساس التاني اللي جوايا، إن أنا عايز أعرف آخر الطموح إيه، وإن أنا عايز عدل ربنا يتحقق، ما هو ربنا بيديك اللي أنت بتسعى ليه، عبد الله السعيد ورمضان صبحي لما راحوا بيراميدز، سيبك من البكش اللي اتقال في المؤتمر الصحفي بتاع الطموح وطموح وترجع بالسلامة والكلام ده، راحوا ليه؟ راحوا علشان الفلوس، وخدوا فلوس، فخلاص اللي عايزينه وصلوا له، لكن ياخدوا فلوس وطموح وياخدوا بطولة ماتمشيش”.
أردف: “اللي نيتك فيه وأنت بتمضي ربنا اداهولك، وأنت بتوقع كده أنا عايز فلوس، دولارات، زكايب فلوس، مغارة علي بابا، مبروك، لكن ده ملوش علاقة بالبطولات والألقاب والإنجازات، دي تيجي بناء على سيستم وعلى كيان، علشان كده مين اللي ضيع ضربة الجزاء؟ رمضان، رغم إن أنا مش فاكر إنه لما كان في الأهلي كان بيضيع ضربات جزاء، لأنه لما كان في الأهلي كان بيلعب بمعلمة وبثقة لأن في ضهره الأهلي، امبارح داخل وخايف وضيع ضربة الجزاء، كان واحد من الأسباب اللي أدت إن الفريق يهدر الفوز”.
اختتم: “الكورة امبارح بتقول لبيراميدز لا مش هتكسبوا، هي الكورة كده فيها عدالة وفلسفة وفيها دروس للي عايز يتعلم، لا مش هتصعدوا مش هتاخدوا الكونفدرالية”.
التسجيل الكامل لرد شيرين عبد الوهاب على الإتهامات المنسوبة لزوجها حسام حبيب
View this post on Instagram