أسرة الطفل رشيد تعلن جمعها قيمة الحقنة 35 مليون جنيه

أعلنت هدى بدر، والدة الطفل رشيد المصاب بمرض نادر في النخاع الشوكي، عن جمعهما المبلغ المطلوب لحصول ابنها على الحقنة الجينية النادرة، وهو 35 مليون جنيه في أقل من شهر على طلبهم التبرع لنجلهم.

كتبت والدة الطفل عبر حسابها على “فيس بوك”: “الحمد لله، تم تجميع المبلغ بالكامل! وعدتونا ووفيتم… شكرا ليكم! لما رشيد اتشخص بمرض الـSMA وعرفنا ثمن الحقنة اللي محتاجها، سلمنا أمرنا لله ودعينا ربنا يقوينا على الاختبار ده.. متخيلناش أبدا إننا هنوصل للحظة دي وإن حكمة ربنا تكون إن رشيد يخلق الحالة دي من التكافل الاجتماعي والحب والخير، والأهم إن الناس تتعرف عن المرض دةه ويبقى في أمل لأطفالنا إنهم يتعالجوا بفضلكم”.

نرشح لك: والد الطفل رشيد: جمعنا 20 مليون و500 ألف جنيه من ثمن الحقنة

تابعت: “شكرا لكل اللي دعم رشيد.. لأن رشيد بسببكم هياخد الحقنة وإن شاء الله أطفال كتير من بعده! دعواتكم نبدأ رحلة العلاج الأسبوع ده وتفضلوا معانا خطوة بخطوة لحد ما نتطمن عليه. شكر خاص لـEFG Hermes، المؤسسة الوحيدة اللي اتبرعت لرشيد وبقيمة ضخمة كمان (2,5 مليون جم). أنقذتونا على آخر لحظة وخلتونا متستناش وقت أطول. إجمالي التبرعات: 35,469,000 جنيه مصري”.