شاشة

حنين حسام تنشر فيديو للدفاع عن نفسها بعد الحكم عليها بـ10 سنوات

نشرت حنين حسام، مقطع فيديو عبر حساب يحمل اسمها على موقع تبادل الصور والفيديوهات “إنستجرام”، تعلق فيه على حكم حبسها 10 سنوات بتهمة الإتجار بالبشر.

ظهرت حنين وهي تناشد الرئيس السيسي لمتابعة قضيتها، وهي تبكي بشدة وتظهر في يدها “كانيولا” طبية. قائلة: “إنا لله وإنا إليه راجعون. المؤمن لما بيجيله مصيبة مينفعش يقول ليه أنا وليه حصلي أنا كده”.

نرشح لك: تامر أمين عن حبس حنين حسام ومودة الأدهم: زعلان جدا


أضافت: “10 سنين ازاي، أنا عملت إيه. قعدت 10 شهور محبوسة ولما طلعت مفتحتش بوقي وطلع عيني فيهم واتقهرت، بس الحمد لله أنا في وسط أهلي وشوفت الشارع”.

تابعت: “أنا عملت إعلان لتطبيق لايكي مش حاجة حرام، تطبيق كلكم بتنزلوه، الأبلكيشن دا غلط سيبينه يتحمل في مصر ليه؟! وسايبين مقر الشركة في مصر ليه! ليه التلفيق دا يعني إيه واحدة عندها 19 سنة يتقالها بتجار بالناس”.

أردفت: “مستقبل وحياة وأسرة بتدمر، أنا عملت إيه أنا مغلطتش وبتحاسب لأ أنا مغلطتش أصلا، في تعسف غريب، مفيش حد متضرر مني، أنا مضرتش حد”. مشيرة إلى أنها حصلت على 300 دولار مقابل الإعلان.

تساءلت عن سبب القبض عليها هي تحديدا، رغم إعلان عدد من مشاهير اليوتيوب عن نفس التطبيق. مردفة: “قعدت في السجن أسبوعين وفقدت النطق، وكان ممنوع حد يقولي صباح الخير في السجن، وأنا اتحقق معايا 9 أيام بس”.

 

 

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock