حورية فرغلي عن أعمالها الفترة المقبلة: مفاجأة ليكم

طمأنت الفنانة حورية فرغلي الجمهور على آخر تطورات حالتها الصحية، بعد إجرائها عدة عمليات جراحية في أنفها في الولايات المتحدة الأمريكية خلال الفترة الماضية.

قالت “فرغلي” خلال بث مباشر عبر صفحتها الرسمية على موقع التواصل الاجتماعي فيسبوك: “شكرًا على دعمكوا ليا ودعواتكوا وسؤالكوا عليا طول ما أنا مسافرة وحتى بعد ما رجعت، وتطورات العلاج والنقاهة فعاوزة أقولكوا إن أنا زي الفل”.

نرشح لك: حورية فرغلي عن والدها: لم يسأل عني بعد الجراحة


أضافت: “الدكتور مبسوط جداً وأنا مبسوطة جداً، حاسة الشم والتذوق رجعولي تاني وصوتي مبقاش مخنف وبقيت أنام وأنا بتنفس من مناخيري”.

تابعت: “الحمد لله يا رب، ربنا رجعلي النعمة دي تاني، أنا بس بحب اطمنكوا إن أنا زي الفل وعندي كمية طاقة كبيرة قوي وأنا داخلة على شغل كتير، هتبقى مفاجأة بالنسبة ليكم وأنا دايما معوداكوا إن مش بعمل حاجة عادية”.