حلم سمير غانم وعادل إمام الذي لم يتحقق

قال طارق الشناوي، الناقد الفني، إن مشاركة الفنان الراحل سمير غانم في مسلسل “عوالم خفية” كان بناء على ترشيح من الفنان عادل إمام.

تابع “الشناوي” خلال لقائه مع برنامج “كلمة أخيرة” المذاع على شاشة ON وتقدمه الإعلامية لميس الحديدي: “عادل كان دايما يقول لسمير على فكرة محمد أنت الوحيد اللي بيضحك معاك، ومحمد لسه طفل”.

نرشح لك: “جسمي قشعر”.. موقف غريب حدث لـ رامي رضوان في جنازة سمير غانم

استكمل: “يعني عادل إمام بيقول إن محمد أكتر واحد بيضحكه هو سمير غانم، وعادل نفسه لما بيعوز يبتسم للدنيا بيدور على مسرحيات سمير”.

أردف: “كان فيه حلم، وكان صاحب الحلم ده عادل، إن هما يعملوا اعتزال مسرحي مع بعض، يعني في عز النجاح، فكان اقتراح عادل نعتزل بقى يوما ما، نعمل حاجة مشتركة، ومع الأسف مكتملتش”

اختتم: “وبعد كده كان عند سمير أمل إن يتعمل عمل كبير، يجمعهم هما الاتنين، يبقى عمل درامي متوازي، لما عرض عليه عوالم خفية، شعر سمير إن ربما ميبقاش فيه فرصة تانية، فقالي أنا قولت هعمله علشان نبقى بس قفلنا الرحلة بتاعتنا معا، لكن كان الطموح أكبر”.