أسماء مصطفى تعلن إصابتها بالسرطان وتطلب الدعاء

 أعلنت الإعلامية أسماء مصطفى، عن إصابتها بمرض السرطان قبل فترة، وطلبت من محبيها الدعاء لها.

كتبت “مصطفى” عبر حسابها على موقع التواصل الاجتماعي “فيس بوك”: “أنا بعتذر طول الفترة اللي فاتت عن الاختفاء وعدم الرد غصب عني الحقيقة إنى بقالي كام شهر مش عارفة أرد أو أكتب أقول إيه لمعظم الناس، وده كان علشان أمي وعيلتي لحد ما يستوعبوا القصة وبعد ما عرفت ورضيت خلاص مش فارق معايا خلاص”.

نرشح لك: يوميا.. أسماء مصطفى تقدم برنامجها على “نغم إف إم” في رمضان

تابعت: “أنا حالي حال ناس غيري كتير بيمروا بمعركة مع المرض اللعين الاسم صعب معلش، وأنا منهم بحاول وبكافح وربنا كريم صحيح المشوار لسه طويل والشفا بإيدين ربنا وحده وما علينا غير أننا ناخد بالأسباب ونرضى بقضاء الله ونسأله اللطف فيه”.

أضافت: “مش عايزة حد يزعل أنا بس محتاجة الدعاء، لأني مؤمنة أنه بيغير القدر، أنا قطعت مسافة كويسة في رحلة العلاج الحمد لله ولسه في خطوات تانية، ربنا يسهل في انتظار تحديد ميعاد العملية علشان كده عدم ظهوري هيطول، رجاء تاني محدش يتضايق فضلا الدعاء”.

 

انا بعتذر طول الفترة الى فاتت عن الاختفاء وعدم الرد غصب عنى الحقيقة انى بقالى كام شهر مش عارفة ارد او اكتب اقول ايه…

تم النشر بواسطة ‏‎Asmaa Mostafa Habib‎‏ في السبت، ١٧ أبريل ٢٠٢١

في سياق آخر، يعرض برنامج “بيتنا في رمضان” للإعلامية أسماء مصطفى، وهو النسخة الرمضانية المسجلة من برنامجها “في بيتها”، ويذاع على “نغم إف إم” 

البرنامج يعرض بعد الإفطار يوميا، في تمام الساعة الثامنة، وتدور فكرته حول الأصوات التي ارتبطنا بها في شهر رمضان المبارك مثل صوت الشيخ محمد رفعت والنقشبندي ومقرأي جامع الفتاح العليم والمسحراتي، وغير ذلك من الأصوات التي تذكرنا بالشهر الفضيل.