"مش عايزة أهزأ نفسي".. سبب انسحاب كاملة أبو ذكري من "زي الشمس"

دنيا شمعة

قالت المخرجة كاملة أبو ذكري، إنها ليست نادمة على قرار انسحابها من مسلسل “زي الشمس”، الذي عُرض موسم رمضان 2019.

تابعت “أبو ذكري” خلال لقائها أمس الخميس مع برنامج “معكم منى الشاذلي” مع الإعلامية منى الشاذلي، مساء الخميس، عبر شاشة “cbc”: “ده أحلى قرار خدته في حياتي، كنت صورت أول 10 حلقات من المسلسل وظبطت كل حاجة، بس حسيت إني مش عايزة أهزأ نفسي”.

نرشح لك: ناجي سعد يعاتب صلاح عبد الله

تابعت: “أنا عندي أقعد في البيت ولا أهزق نفسي.. وجودي كان ابتدى يبقى مضايق ناس فكان لازم أمشي”، مضيفة: “هما اللي اضطروني لكده وقالولي اعتذري وكان فيه تهديد، قالولي لو مسمعتش الكلام هيبقى مغضوب عليا.. وجالي بـ100 وش بقى من ربنا”.

أردفت: “أنا عارفة أسباب اللي حصل، وحسيت إنه حتى اسمي مش عاوزاه على المسلسل ده والتجربة دي متخصنيش أبدا، وعدى الوقت واتقابلنا واتكلمنا بس التجربة دي أثرت فيا جدا، واتشرفت إني اتعاملت مع أحمد السعدني وريهام عبد الغفور الحقيقة الاتنين دول.. وكنت مضايقة إني هسيب المسلسل بالذات عشانهم”.

مسلسل “زي الشمس” عُرض خلال رمضان 2019، بطولة دينا الشربيني وريهام عبد الغفور وأحمد السعدني وعمر السعيد وسوسن بدر وأحمد داوود ومريم الخشت وليلى عز العرب.