محمد الشرنوبي عن "الإعدادية": "مش فضيحة"
علق الفنان محمد الشرنوبي، على الأخبار التي أُثيرت مؤخرا بشأن شهادته التعليمية، وكونه حاصل على الشهادة الإعدادية فقط.
قال “الشرنوبي” خلال حلوله ضيفا على سمر يسري، مساء الأحد، في برنامج “يوم ليك”، المذاع عبر شاشة “الحياة”: “طالما عمي أكد إني حاصل على الشهادة الإعدادية يبقى صحيح، ومش المفروض أرد عليه هو مش حاجة عيب ولا حرام ولا غلط، عشان أطلع أرد”.
نرشح لك: من الطفولة.. محمد الشرنوبي يكشف سبب عقدته من الكلاب
تابع: “الخبر نزل بشاهد فضيحة محمد الشرنوبي، لأ أنا معنديش فضيحة ولا حاجة تعيب، أنا محقق حاجات كويسة جدا، وأنا الحمد لله بأصرف على نفسي من وأنا عندي 10 سنين أو 11 سنة من أول حاجة اشتغلتها، وقررت وقولت لأمي وأبويا محدش هيصرف عليا ولحد دلوقتي بصرف على نفسي من ساعتها”.
أكد على أنه شخص مسؤول، مردفا: “الحمد لله بقى عندي بيت مسؤول عنه وبيت تاني مسؤول عنه، وحاسس إني محقق حاجات في حياتي أفتخر بيها أكتر بكتير من الشهادة”.
أردف: “الشهادة مهمة جدا، ومبقللش من أهميتها خالص والمفروض أي حد في الدنيا يبقى معاه مؤهل كويس وعالي، دا محصلش معايا بسبب ظروف في حياتي محدش يعرفها، هي ظروف شخصية كتير مريت بيها وبيتي مر بيها ليها علاقة بأسرتي وبيتي، فمحدش عارف حاجة أو عارف ظروف حد”.
أشار إلى أن انفصال والديه وقع في طفولته، مردفا: “بس أنا غصب عني كان عندي شغلي وكنت بروح دراستي، والمسؤوليات زادت وحجم شغلي زاد، ووقفت على سنة في الآخر وعندي الوقت اللي أخلصها فيه، والحكومة محددة لينا الوقت اللي نكمل فيه، بس في الآخر عندي ثوابت بتقول إني محقق وواصل لحاجة”.
يشار إلى أن آخر أعمال محمد الشرنوبي، هو مشاركته في مسلسل “لؤلؤ” مع مي عمر وأحمد زاهر وإدوارد وهيدي كرم ونجلاء بدر وسلوى عثمان وهدير عبد الناصر، إخراج محمد عبد السلام، قصة مي عمر، سيناريو وحوار محمد مهران.
