سبب رفض هشام عباس دور "السقا" في "صعيدي في الجامعة الأمريكية"

قال الفنان هشام عباس، إنه لم يوفق في دخوله التمثيل، خاصة أنه يعتبر ذلك أرزاق وأقدار، مردفا: “ربنا لو كان عايزني أمثل كان ساعدني، بس أنا متوفقتش”.

تابع “عباس” خلال حلولها ضيفة على برنامج “ليلة الخميس”، مساء الخميس، مع ياسمين عز، المذاع عبر شاشة “MBC مصر”: “كل الحاجات اللي اتعرضت عليا وقتها كنت حاسس إني مش عايز أعملها”.

نرشح لك: حنان: “فكرت أعمل دويتو مع تامر حسني لأنه شبه ابني”

وعن رفضه دور أحمد السقا في فيلم “صعيدي في الجامعة الأمريكية”، ودور مصطفى قمر في فيلم “الحب الأول”، قال: “أنا كنت عايز حد يكتبلي فيلم مخصوص عشان خاطري وعلى شخصيتي”، مضيفا: “مكنتش عايز أطلع أول مرة أغني أطلع اتخانق على واحدة، حسيت إني مش عايز كده، أحمد السقا عمل الدور هايل وحبيته وإحنا صحاب، بس لما قريت الدور حسيته مش أنا”.

أشار إلى أنه كان قد وافق على فيلم يجمعه بالفنان أحمد السقا، من كتابة الفنان محمود البزاوي، لكن الفيلم لم يكتمل، مردفا: “لو ربنا كان عايزني أمثل كنت مثلت، دلوقت عايز أمثل بس همثل إيه مقدرش أمثل الأدوار الشبابية بتاعة زمان بس نفسي أمثل، ولما مثلت في الوصية كنت في غاية السعادة”.