عمر الشناوي عن طفلة المعادي: قد تكون ضحية عصابة

علق الفنان عمر الشناوي على واقعة “متحرش المعادي”، وقال إن الجميع تناولوا الواقعة على مواقع التواصل الاجتماعي.

نشر “الشناوي” عبر حسابه الشخصي على موقع تبادل الصور والفيديوهات إنستجرام، مقطع فيديو، وقال: “الحاجة اللي أثارت فضولي ومحتاج إن أنا أتكلم فيها مع الناس ومحتاج أوضحها، هو إن البنت الصغيرة دي، مكنش واضح في الفيديو إن الموضوع ده أول مرة بالنسبة لها، الواضح بالنسبة لنا إن البنت حصل معاها الموضوع ده كذا مرة من نفس الشخص أو من أشخاص تانية، الله واعلم إيه القصة”.

نرشح لك: عمر الشناوي يكشف تفاصيل حريق دراجته النارية

تابع: “بس المفروض اللي يشوف الفيديو يلاحظ إن البنت لما اخدها ورا الحيطة هي ماتخضتش من اللي هو عمله، هي محاولتش تفلفص هي كانت مستسلمة وحتى لما الناس خرجوا هي راحت خارجة بمنتهى السلاسة على برة، أنا اللي مخوفني إن يكون فيه ناس مشغلين أطفال في حاجة كده، يكونوا عاملين عصابة أو مشغلين أطفال في دعارة”.

استكمل: “ده لازم إن السلطات المشكورة إنها قبضت على الراجل ده تقدر تعرف إن البنت الصغيرة لو فيه حد مشغلها في الموضوع ده دول أطفال أبرياء، البنت الصغيرة مش عارفة هي بتعمل إيه ومش عارفة ده صح ولا غلط، لمجرد إن واحد كبير يقولها اعملي كده فهي هتعمل، اللي ورا الموضوع ده لازم يتعرف ولازم يتشاف لأن ده المهم لأن لو فيه أطفال تانية بتتعرض لده على الأقل نلحق ننقذهم قبل ما الموضوع يتزايد، لأن الفيديو ده فيه بشاعة لأبعد الحدود أنا مشوفتهاش قبل كده”.

إنستجرام رئيسية عمر الشناوي متحرش المعادي مواقع التواصل الاجتماعي واقعة متحرش المعادي