عمرو أديب: مفيش وقت بيكفيني في البرامج

قال الإعلامي عمرو أديب إنه على مدار 25 عاما كان لديه مشكلة في كل القنوات التي عمل بها، مضيفا: “إن الوقت مبيكفنيش، دلوقتي قالوا لي أنت خلاص، أنت المفروض روحت”.

تابع “أديب” خلال حلقة أمس الجمعة، من برنامج “الحكاية”، المذاع على شاشة mbc مصر: “فقولتلهم طيب أنا قاعد ليه؟ بيقولوا لي أنت المفروض البرنامج خلص وروحت أنت خلصت الوقت، عمري ما فهمت أنا خلصت الوقت عملت بيه إيه يعني؟ يعني مثلا روحت وديته في برنامج تاني لا سمح الله؟”.

نرشح لك: عمرو أديب يرشح هذا الكتاب للجمهور

استكمل: “قالك لا أصل أنت خلاص الوقت خلص، أنت بتخلص الوقت، عندي المشكلة دي في كل البرامج إن أنا مفيش وقت بيكفيني، إنما عزائي دائما إن أنا بكرة يبقى فيه حلقة تانية، وكان باقي عندي لسه شوية حكايات”.

وعن عرض التتر أثناء حديثه، قال: “بينزلوا الكلام على وشي، اللي هو خلاص روح، امشي، باي باي متشكرين، معلش، ما هو البني آدم اللي يشتغل ويحط قلبه في الشغل يتعمل معاه كده إنما الناس التانية عادي جدا، المهم يعني مفيش حاجة بتنفع، وهكمل للآخر لحد آخر لحظة، فين آخر اسم عندكم، لسه آخر اسم”.