سهر الصايغ تكشف سبب عدم مشاركتها في "كوفيد 25"
قالت الفنانة سهر الصايغ إنها لن تشارك مع الفنان يوسف الشريف في مسلسل “كوفيد 25” المقرر عرضه في رمضان المقبل.
أوضحت “الصايغ” خلال لقائها مع “ET بالعربي”: “أنا مش في المسلسل السنة دي وده مش لأي سبب غير إنه مفيش دور، دايما إحنا كممثلين فيه دور بيندهك، فيه دور بيبقى عايز فلان، فأنا معنديش دور السنة دي أقدر أقدم فيه حاجة”.
نرشح لك: جمال سليمان: فيلم “الكاهن” مزيج من الواقع والخيال
استكملت: “وأنا دايما بحب اختلف على قد ما بقدر طبعا، إن أنا السنة اللي فاتت قدمت حاجة، اروح السنة اللي بعديها على حسب المتاح قدامي طبعا، أقدم حاجة مغايرة تماما، فعلشان كده النهاية كان خيال علمي قصة مستقبل وقصة رومانسية وبنت شوية سايكو”.
أردفت: “كنت حابة السنة دي أعمل حاجة واقعية والحمد لله بفضل ربنا ده اتحققلي في الطاووس”.
View this post on Instagram
تشارك سهر الصايغ في مسلسل “الطاووس” المقرر عرضه في رمضان المقبل، وتدور أحداثه في إطار اجتماعي تشويقي، ويشارك بالبطولة جمال سليمان وسميحة أيوب، ومن سيناريو وحوار كريم الدليل وإشراف على الكتابة محمد ناير وإخراج رؤوف عبد العزيز.