محمد ثروت عن أغنيته الجديدة: بقت الرسمية للسناجل في عيد الحب

دنيا شمعة

قال الفنان محمد ثروت، إنه سعيد بردود الأفعال على أغنيته الجديدة “يا مستعجل فراقي”.

تابع “ثروت” خلال مداخلة هاتفية مع برنامج “الحكاية” مع الإعلامي عمرو أديب، مساء الجمعة، عبر شاشة “mbc مصر”: “الأغنية وصلت مليون، والفضل لتوفيق ربنا في توقيت نزول الأغنية.. أنا عامل 9 أغاني ومن بينهم كلهم اخترت إن دي هتنزل دلوقت”.

نرشح لك: عمرو أديب عن الأغنية الجديدة لمحمد ثروت: أحلى أغنية للفراق

أضاف: “أنا جالي تويتة واحد بيقولي إن الأغنية دي بقت الأغنية الرسمية للسناجل في عيد الحب، يعني حتى عيد الحب بقى يتشاف بمنظور تاني”.

أردف: “بشكر كل اللي باركولي على الأغنية وبشكر كل حبايبي وأولادي اللي حسسوني بالفرحة والجمال اللي عايش فيه دلوقت وبقولهم يا رب يقدرني وأعمل كل حاجة تسعدكم وتكون عند حسن ظنكم”.

تابع: “وعاوز أشكر التيم اللي طلعلي الأغنية وهما أحمد ثروت ابني، والمهندس سمير صبري ومحمد موسى، عشان هما اللي جمدوا قلبي وقالولي هنعملك كل اللي نقدر عليه”.

أغنية “يا مستعجل فراقي” من كلمات الشاعر تامر حسين، وألحان وتوزيع محمد رحيم، والكليب من إخراج وإنتاج ابنه أحمد ثروت، كما ظهرت الأغنية تزامنًا مع إطلاق هاشتاج “عودة صوت مصر” على منصات التواصل.