أماني خالد: لم أتوقع اساءة عارفة عبد الرسول وهذا ملخص ما حدث

كشفت أماني خالد، الصحفية في جريدة “المساء” تفاصيل مكالمتها الهاتفية مع الفنانة عارفة عبد الرسول.

ردت أماني خالد على اتهامات عارفة عبد الرسول، والتي اتهمتها بتكرار الاتصال بها أكثر من مرة حتى أنها خافت أن يكون هناك حالة وفاة أو عمل طاريء مما اضطرها للرد رغم تعبها وعودتها من السفر، ولكنها وجدت أن المتصل صحفية، فقالت لها: “قولتلها يا دمك يا شيخة وقفلت السكة”، وهو ما عرضها للانتقادات من قبل الصحفيين.

نرشح لك:مكالمة هاتفية السبب.. الصحفيون غاضبون من عارفة عبد الرسول

نشرت أماني خالد عبر حسابها الشخصي على موقع التواصل الاجتماعي فيسبوك، وكتبت: “ردي على الفنانة عارفة عبد الرسول، شكراً لكل حد دافع أو أتكلم كلمة حق في موضوع الفنانة القديرة عارفة عبد الرسول، وخاصة الصحفيين اللي دافعوا عن مهنتهم من غير ما يعرفوا تماما مين الشخصية اللي حصل معاها كدة، وللأسف اللي حصل دة، مكنش مع صحفية شابة ولا متدربة ولا جديدة، دة كان معايا أنا”.

تابعت: “في أسئلة عايزة اطرحها على الفنانة القديرة، هو الاتصال “مرتين” فقط يبقى اسمه زن؟ هل الساعة ٥ المغرب، وقت لا يسمح أو يليق الاتصال فيه؟ (بما إن فيه ناس سألت عن معاد الاتصال)، هل مسموح عادي لحضرتك تتقبلي اتصالات حتى لو زن عشان “شغلك”، ولما حد يكون عايز يعمل شغله يبقى أجرم؟”.

استكملت: “المفروض أعرف منين إنك راجعة من سفر وتعبانة خاصة إن الاتصال مكنش أكتر من مرتين وكل مرة لا تتعدى الثواني، حتى مكملتش الرنة كلها، مش زي ما حضرتك مصورة للناس؟، للعلم أنا مكنتش متوقعة خالص إنها قفلت التليفون في وشي، حتى الجملة اللي قالتها توقعت إنها بتهزر مثلا أو بتكلم حد تاني معاها، وكنت ناوية أكلمها تاني ظناً مني إن يكون كان في مشكلة في الشبكة عندها، نمت وصحيت لقيت الدنيا مقلوبة بعد البوست اللي الفنانة كتبته، وبالتالي الموقف كله اتغير”.

واصلت: “عامة زي ما حضرتك اتغظتي امبارح وكتبتي البوست، أنا اتغظت أكثر من نفسي عشان اتعاملت مع الموضوع ببساطة إن الخط قطع ومكنش ليه أي أهمية، والحمد لله اللي يعرفني يعرف إني مبسبش حقي، فالحمد لله برده حقي جه من غير ما يعرفوا أنا مين سواء الصحفيين أو الجمهور العادي، وأخيراً متأسفة إني فكرت أصلا أكلم حضرتك، مش هتحصل تاني، طبعا دة موقف بسيط من اللي بنتعرضله يومياً في تعاملاتنا كصحفيين فن”.

ردي علي الفنانة عارفة عبد الرسول

شكراً لكل حد دافع او أتكلم كلمة حق في موضوع الفنانة القديرة عارفة عبد الرسول، وخاصة…

Posted by Amanii Khaleed on Saturday, February 6, 2021