بسبب إفيه لـ حسن حسني.. إعادة مشهد 26 مرة في "الباشا تلميذ"
شارك المنتج مجدي الهواري مع متابعيه كواليس أحد مشاهد فيلم “الباشا تلميذ”.
نشر “الهواري” عبر حسابه الشخصي على موقع تبادل الصور والفيديوهات إنستجرام، صورة من فيلم “الباشا تلميذ”، وكتب: “من كواليس المشاهد التي لا تنسى من أفلامي للعظيم حسن حسني، وكريزة ضحك أخرى لم تتوقف لمدة نصف ساعة بسبب مفاجأة عم حسن على الهوا وهو بيقول اعقلوا الكلمة”.
نرشح لك: رشح مؤمن زكريا.. مجدي الهواري يكشف تفاصيل فيلمه الجديد
تابع: “فاجئنا فضحكنا كلنا فضحك كريم عبد العزيز ومقدرش يوقف ضحك، من ساعتها لحد النهاردة، كل مانفتكر أنا وهو ورامز جلال يوم تصوير المشهد ده تلقائية عم حسن حسني نضحك والله لحد دلوقتي وبعدين قال (اسأل شهاب ولا أنت مبتنزلش) كان عبقري في إضافة الإفيه في التصوير بشكل تلقائي دون المساس بالنص أو بكلام المشهد وكل ده في الشوت على الهوا وعفوي اتفرجوا على الفيلم وشوفوا ضحك كريم عبد العزيز الحقيقي والله مكنش بيمثل”.
واصل: “رغم إعادة التصوير للمشهد 26 مرة وفي الآخر اضطرينا ناخد المشهد بضحكه الحقيقي، لأننا لم نستطع السيطرة على الناس ديه لما تتجمع في مشهد، غير كتير مواقف في الفيلم عايز اكتب عنها سنة كاملة وابقى احكي كمان على موقف خالد صاوي وأسرة مع بعضينا في طابا وربنا يستر على الله هيحصل لأول مرة نشر هذه المواقف، وبالذات في المشاهد اللي بتجمع حسن حسني مع كريم عبد العزيز زي مشهد يا فاشل يا فاشل وحازم حازم وبسيوني بسيوني هو ومحمد لطفي يااااااااااه والله أيام كانت جميلة والممتع أكتر كواليس الفيلم، الله يرحمك يا عم حسن يا نادر ويرحم عم سعيد طرابيك، ومن ساعتها يا سادة بقيت واحدة من العلامات الفيلم ده”.
View this post on Instagram
يذكر أن فيلم “الباشا تلميذ” بطولة حسن حسني وكريم عبد العزيز وغادة عادل ومحمد لطفي ورامز جلال ومحمد رجب ومها أحمد ولطفي لبيب ومحمد الدفراوي ولطفي لبيب وخالد الصاوي، ومن تأليف بلال فضل، و إخراج وائل إحسان، وتم عرضه لأول مرة عام 2004.