عبد الله رشدي يهاجم رانيا يوسف: فكر متدني

دنيا شمعة

قال الداعية عبد الله رشدي، إن تصريحات الفنانة رانيا يوسف الأخيرة بمثابة تعبير عن فكرها المتدني، وهو غير صحيح وليس له علاقة بالواقع.

تابع خلال فيديو نشره عبر صفحته الشخصية على موقع التواصل الاجتماعي “فيس بوك”: “فكر متدني بصورة لا تتخيل، لو رجعنا لزمان وشفنا الفنانين بتوع الخمسينات والستينات هنلاقي فجوة شاسعة، ربنا سبحانه وتعالى لما أنزل القرآن كان عشان نتدبره ونفهمه، مش عشان نخترع دين جديد.. ربنا لما قال (أما بنعمة ربك فحدث)، يعني لما ربنا يرزقنا بنعمة نتكلم عنها مش نشوف إيه اللي ربنا نهانا عنه ونعمله”.

نرشح لك: تامر أمين: رانيا يوسف هزارها رخيص وغير أخلاقي

أضاف: “كده أنا بشتغل نفسي وبشتغل الناس، كده كل إنسان هيروح يعمل مصيبة ويجي يقول وأما بنعمة ربنا فحدث، مش هنصور أفلام خليعة ويجي يقولي أنا بتباهى بقوتي الذكورية وهي بتتباهى بمفاتنها الأنثوية ويجي يقولي أما بنعمة ربنا فحدث”.

أردف: “فيه من يسموا برموز المجتمع ومش عارف هما بيفكروا إزاي.. ربنا يكفينا شرهم، وينشروا بينا قلة الأدب على أساس إنها شيء طبيعي، وإحنا لما نيجي نعترض نبقى رجعيين ومتخلفين.. متديش لنفسك الحق إنك تدمر المجتمع خلقيًا وعاوزنا نسكت”.

استكمل: “زوجات الشيوخ في الخمسينات والستينات كانوا محتجبات وطول عمر النساء في مصر محتجبات، من بداية الأربعينات بدأ يبقى عندنا سقافة خلع الحجاب في القاهرة والأسكندرية، وانتوا اللي بتركزوا ع الصور دي”.

اختتم: “ده المسيحيين في مصر كانوا بيلبسوا حجاب لأن ده الزي الدارج.. الحجاب ده مش اختراع إسلامي ده موجود في كل الديانات”.

يذكر أن  الفنانة رانيا يوسف، كانت قد أثارت الجدل بعدد من التصريحات خلال لقاء تلفزيوني على شاشة “الرشيد العراقية”، وقالت إن الحجاب لم يفرض على النساء في مصر إلا مؤخرًا.