والدة حمو بيكا: أغانيه كانت متتسمعش

قدمت والدة مطرب المهرجانات حمو بيكا، اعتذارها مجدداً للفنان هاني شاكر، نقيب الموسيقين، وطالبته بالتنازل عن شكواه ضد نجلها، والسماح له بالغناء.

وقالت والدته، في برنامج “صبايا الخير”، على شاشة “النهار”، “حمو مدخلش قسم ولا سجون قبل كده، ومستعدة أتسجن مكانه.. ابني هيمشي تحت طوعه على الطريق الصحيح.. أنا بحب هاني شاكر وبسمع أغانيه”.

نرشح لك: رسالة جديدة من حمو بيكا لهاني شاكر

تابعت: ” هانى شاكر لو عاوزني أروحله مصر هروحله لو الاقي اللي يوديني له.. وبعتذر للنقابة كلها.. وهتأسف طول العمر بس مشوفش ابني يوم بره بيته”، مضيفة: “افدي ابني بعيني وماشوفش فيه حاجة وحشة.. ربنا هينصره ويرزقه بقاضي ابن حلال يديله البراءة”.

أردفت: لو غلط في ساعة غضب حقهم عليا.. أنا اقل من كرامتي فدا لابني .. ربنا يجعلني مغلوبة ولا يجعلني غالبة، وواصلت: من ساعة ما سمعت الحكم ما بنامش ومببطلش عياط.

تابعت: حمو مش بلطجي، وقلنا له أنا واخوه في الاول أغانيك متتسمعش وهو غير من نفسه، ودخل في موضوع الشركة وعرف ايه اللي يتقال وايه اللي ما يتقالش، مناشدة نقيب الموسيقيين بتوجيهه للطريق الصحيح.

كانت محكمة جنح الدخيلة الإقتصادية بالإسكندرية، قد قضت، منذ أسبابيع، بمعاقبة مطرب المهرجانات الشعبية “حمو بيكا” بالحبس لمدة عامين مع الشغل وكفالة 5 آلاف جنيه، كما قررت المحكمة تغريمه 200 ألف جنيه، وذلك بعد اتهامه بسب وقذف نقابة المهن الموسيقية ونقيبها الفنان هاني شاكر، وعدد من الموظفين العاملين بالنقابة.