عمرو أديب عن تتويج الأهلي بالدوري: "اليوم ده تقيل على قلبي"

هنأ الإعلامي عمرو أديب، النادي الأهلي بفوزه بدرع الدوري المصري، مؤكدًا أنه كان الافضل ويستحق الفوز بما حققه من فارق نقاط.

وعلق مازحًا خلال برنامجه “الحكاية” المذاع على قناة “MBC مصر”، “كل سنة بحمل هم اليوم ده.. بقالي 20 سنة بضطر أهنئ الاهلى.. نفسي أغير حتى الصيغة ولو مرة كل سنة ولا أربع سنين.. نفس الكلام بقوله ومن جوه ببقا عندي كرشة نفس إنما هعمل ايه؟!”.

نرشح لك: عمرو أديب: “أتوسل إليكم البسوا الكمامة”

وتابع: “النهارده الاهلاوية بيقولوا الدرع ده مبيروحش حتة غير عندهم، رغم أنه ممكن يعدي الكوبري ويروح لنادي الزمالك”.
وأشاد بتتويج النادي الأهلي والموقف الإنساني للاحتفال باللاعب السابق مؤمن زكريا، في احتفال وصفها بـ”دوري مؤمن زكريا”.

وأضاف: نفسي اتصور جنب الدوري حتى في الأهلي.. ده أنا غيرت القنوات اللي بشتغل فيها، وخسيت، ووالكورونا جات، وغيرت حاجات كتير في حياتي وفي كل الاحوال الأهلي بياخد الدوري”.

واختتم حدبثه قائلا:” زي ما بقول كل سنة ده اخر دوري للأهلي.. الـ10 سنين الجايين الزمالك هاياخد الدوري”.