أحمد فهمي عن هنا الزاهد: بتغير من كلبتي زيزي

هدير عبد المنعم

قال الفنان أحمد فهمي، إنه كان يتمنى أن يصبح طبيبًا بيطريًأ، مضيفا: “عارفة بتوع ناشيونال جيوغرافيك اللي بيمشوا ورا الحيوانات دول أي حاجة ليها علاقة بالحيوانات كان نفسي اعملها”.

أوضح “فهمي” خلال برنامج “أبلة فاهيتا” المذاع على شاشة “ON” أن أول كلب اقتناه كان اسمه “روي” ووالده هو من اشتراه له.

نرشح لك: أحمد فهمي: جدي اتجوز 17 ولا 18 مرة يا ماما؟.. والأخيرة تجيب

أشار إلى أن آخر كلب اشتراه كان يدعى “زيزي”، قائلا: “حبيبتي دي بنتي”، وعن علاقتها بزوجته هنا الزاهد، قال: “بيغيروا من بعض جدا زيزي أصلا لو أنا ماسك أيد هنا بتبقى متجننة عايزاني أسيب إيديها”.

تابع: “لقيت هنا بتعيط في الأوضة فدخلت افتكرت حاجة حصلت، قالتلي أنا بجد بقيت بتضايق من موضوع زيزي ده أنت قاعد معاها طول الوقت وسايبني وبتلعبوا مع بعض”، تابع مازحا: “لقيتها بتتكلم جد جدا فأنا خفت على نفسي لأن دي مضطربة نفسيا أكيد”.

أردف أنه مقتنع أن الكلاب تأخذ صفات صاحبها، مضيفًا أن المصور أيمن عباس كلابه تحب البنات جدا، وتابع مازحا: “أعتقد أن كلب آسر ياسين بيتكلم إنجليزي وأحمد السقا كلابه جدعان جدا لو كلمتهم في أي وقت هيجولك”.