وليد يوسف يروي تفاصيل آخر مشروع فني لـ المنتصر بالله

كشف السيناريست وليد يوسف عن آخر مشروع فني كان يحضر له الفنان الراحل المنتصر بالله، والذي توفي اليوم السبت عن عمر ناهز 70 عاما.

نشر “يوسف” على حسابه الشخصي على موقع التواصل الاجتماعي “فيسبوك”، صورة جمعته بالمنتصر بالله من منزل الأخير، وكتب وليد يوسف : “الصورة دي في البيت عند مونتي (المنتصر بالله) كنت بعرفه على جزء من فريق عمل مسرحية أطفال كانت بطولته وكان هيرجع بيها مرة تانية للشغل، في بروفات الترابيزة كان متألقًا كالعادة وكان بيرمي إيفيهات مضحكة جدًّا وغير متوقعة”.

نرشح لك: بالصور.. محمد رمضان في كواليس مسلسل “موسى”

تابع: “عملنا 3 بروفات وكلمتني رانيا بنته طايرة من الفرح الدكتور اللي بيتابع عند مونتي قال لها إن الشغل عمل طفرة في حالته وإن الجلطة اللي كانت مقعداه في البيت لسنين في طريقها للشفا وتحمسنا أكتر للمشروع، ومش عايز أقولكم فرحة كل الممثلين اللي في العرض وإحساسهم بالفخر للشغل معاه.. لكن للأسف مونتي جاله دور برد.. تعب شويه وأجلنا البروفات.. وزاد التعب ورجع مونتي للبيت تاني”.

أضاف: “وفضل تعبان لحد ما راح لربنا النهاردة.. فيه ناس كتير روحها وحياتها في الشغل.. مابتحسش إنها عايشة وموجودة غير بالشغل.. قعدة البيت موت مبكر لكن مونتي هيفضل موجود وعايش ومبهج”.

اختتم: “أنا متأكد أنه دلوقت بينشر البهجة في السما زي ما كان بينشرها في الأرض.. خالص عزائي ليكي يا عزيزة يا ست الستات.. نموذج الزوجة الوفية.. وربنا يصبر قلوبكم يا بنات”.

الصوره دي في البيت عند مونتيكنت بعرفه علي جزء من فريق عمل مسرحيه اطفال كانت بطولته وكان هايرجع بيها مره تانيه للشغل..في…

Geplaatst door Waleed Yousif op Zaterdag 26 september 2020

الجدير بالذكر أن المنتصر بالله توفي مساء اليوم، عن عمر ناهز الـ 70 عامًا بعد صراع مع المرض دام لما يقرب من 10 سنوات.

من المقرر أن تكون صلاة الجنازة على الفنان الراحل غدا الأحد في تمام الـ1 ظهرا، بكنيسة الشهيد “أبو سيفين” بالمهندسين، على أن تستقبل الأسرة العزاء يومي الاثنين والثلاثاء الموافقين 28/29 من الساعة 6 مساء إلى الساعة 10 بكنيسة السيدة العذراء بالمرعشلي بالزمالك.