صور.. إيمان رياض تحتفل بعيد ميلاد زوجها
شاركت الإعلامية إيمان رياض، الجمهور بالعديد من الصور التي جمعتها بأبنائها وزوجها، وذلك احتفالا بعيد ميلاد الأخير.
نرشح لك : إيمان رياض مبررة ابتعادها عن السوشيال ميديا: مش طايقة صفحاتي
نشرت “رياض” الصور عبر حسابها الشخصي على موقع “إنستجرام”، وعلقت عليها كاتبة: “صور سنين كتيرة لذكريات حلوة عشتها معاك، بننسى أي خلافات واختلافات بمجرد ما نشوف صورنا ونفتكر أيام كتير حلوة عشناها الحمد لله، ولسا بإذن الله أيامنا اللي جاية أحلى ونحقق سوا كل أحلامنا، ربنا ما يحرمني منك ويخليك ليا ولولادنا وكل حبايبنا، كل سنة وأنت طيب يا حبيبي”.
يشار إلى أن إيمان رياض، كانت قد بررت مؤخرًا، سبب ابتعادها عن مواقع التواصل الاجتماعي، لفترة كبيرة حيث نشرت عبر حسابها الشخصي على موقع “إنستجرام” صورة لها وعلقت كاتبة: “ربنا وحده اللي عالم أنا بجاهد نفسي إزاي إني أرجع تاني لحياتي الطبيعية معاكم على السوشيال ميديا، بشكر كل اللي بيسألوا عليا واللي بيشجعوني أرجع لكم تاني، وعلشان ما حدش يقلق أنا وأسرتي تمام الحمد لله بس من بعد رمضان وأنا مش طايقة أدخل على صفحاتي ولا قادرة أتواصل مع حد، حالة غريبة عمري ما مريت بيها قبل كدة، في الأول كنت مبسوطة جدا من التغيير ده وحالة السكون اللي كنت عايشاها أنا وأولادي فقط! بعد شوية وحشتوني وحشني إحساسي إني قادرة على العطاء، أقصد طبعا العطاء المعنوي سواء بالكلمة الطيبة أو النصيحة اللي من القلب، لكن حتى الآن بحس إني فعلا مش قادرة أكتب حاجة! ولا قادرة أتصور! ولا قادرة أتكلم مع حد!”.