كلمات أغنية "صُغيرة" لـ دنيا سمير غانم
طرحت الفنانة دنيا سمير غانم أحدث أعمالها الغنائية بعنوان "صُغيرة"، وذلك ضمن أغنيات ألبومها الجديد "الدلال".
الأغنية تمثل تعاوناً فنيّاً بارزاً، حيث كتبتها الشاعرة دينا نجم، وألحان عزيز الشافعي، فيما تولى التوزيع والميكس النابلسي، وميكس و ماستر هاني محروس لتخرج في قالب فني يجمع بين صدق الكلمات وعذوبة الألحان.
جاءت كلمات أغنية صغيرة كالتالي:
أنا لسه فاكرة أول مرة شفتني
ولاّ انبهارك لما جيت كلمتني
و فضلت يومها كل ثانية تبص لي
ومشيت تقول انك خلاص بتحبني
وملكتني ومن بعدها معرفش ليه
كل اللي شدك ليا بقيت بتهد فيه
كاره نجاحي وأي كلمة عن طموحي
دي خطة يعني كنت راسمها ولا إيه
صغيره .. جنبك عايزني صغيرة
و مضايقك اني منورة
وكأن اللي بيكبرك
انك ترجعني لورا
شخصيتي مبقتش عاجبة
بتهز ف ثقتي حبة حبة
بس اللي لازم تعرفه
مش هتغير مهما جرى
غيرتك عليا حتى مش مصدقاها
وبشوفها غيرة من أي حاجة محققاها
لو دي الطريقة اللي اتعودت تحب بيها
يبقى الحقيقة دي غلطتي ومتحملاها
صغيره .. جنبك عايزني صغيرة
و مضايقك اني منورة
وكأن اللي بيكبرك
انك ترجعني لورا
شخصيتي مبقتش عاجبة
بتهز ثقتي حبة حبة
بس اللي لازم تعرفه
مش هتغير مهما جرى