مي حلمي باكية: "هياخدوا الشقة"
هبة خالد
نشرت الإعلامية مي حلمي، مقطع فيديو عبر حسابها على موقع تبادل الصور والفيديوهات “إنستجرام”، وهي تبكي وتروي لمتابعيها أزمة يمر بها زوجها الفنان محمد رشاد ستؤدي للحجز على ممتلكاتهم.
نرشح لك: مصطفى درويش عن شكوى مايان السيد من التحرش : “ايه الأوفر ده”
قالت “حلمي” خلال الفيديو: “لما تصحى من النوم دون سابق إنذار، تلاقي حد عايز يحجز على بيتك ويدمر اسمك وحياتك هتعمل إيه، بدعم جوزي وبقول كفاية وقف حال فينا، فيه قضية وعشان العقد وحاجة تبع محمد رشاد في الغنا والمبلغ كان 5 مليون وفضل يطلع وينزل ووصل لرقم برضو مش هنقدر ندفعه”.
تابعت: “واحد لسه بيبتدي حياته ده 30 سنة، وحاول يكلم ناس كتير ويقسط المبلغ وده ينفع.. لكن لا واحد كل اللي همه أنه يشوف البني آدم الطيب ده محبوس، ليه هخبي حاجة زي دي النهاردة وانتوا شوفتوا بدايتنا مع بعض وحبنا وخناقتنا وكل حاجة، تخيلي تصحي من النوم على خبر إن بيتك اللي انتي تعبتي عشان تبنيه حد يقولك إنه هيحجز عليه”.
استكملت: “جه عايز يكسر الباب هنا بدون سابق إنذار، ليه عايز تحبسه.. ليه عايز تأذيه وتأذينا في أسامينا وشغلنا وحياتنا، عشان شرط جزائي غُنا، في عقد 4 سنين كفاياك وقفت حاله”.