تعافي باسم كميل من فيروس كورونا
هبة خالد
أعلن الإعلامي باسم كميل، مذيع “إينرجي”، تعافيه من فيروس كورونا المستجد، بعد ما يقرب من شهر على الإصابة.
نرشح لك: الثلاثاء 7 يوليو.. ارتفاع إصابات كورونا بعد انخفاضها أمس
كتب “كميل” عبر صفحته الشخصية بموقع التواصل الاجتماعي “فيس بوك”: “أخيرا أخبار حلوة بعد تقريبا 4 أسابيع في الحجر المنزلي (أوضة نومي)، وبعد تحاليل وإشاعات وأدوية كتيرة قوي.. رحت إمبارح عملت إشاعة مقطعية على صدري، وأول ما النتيجة طلعت بعتها للدكاترة اللي كنت متابع معاهم فورا، والحمد الله مليون مرة أكدوا لي إن كل الأعراض والعلامات اللي كانت عندي راحت خلاص، وإن صحتي بقيت زي الفل و إن الفيروس (بخ خلاص)”.
تابع: “الحمد لله على كل حاجة.. الحمد لله إن الفيروس كان بسيط معايا، الحمد لله على أهلي اللي من غيرهم كنت إتجننت، الحمد لله على أصحابي اللي عمري ما كنت أتخيل أنهم بيحبوني كده، الحمد لله عليكوا انتم اللي تشجيعكم وحبكم ليا فرق معايا بشكل غير طبيعي وغير في شخصيتي تماما”.
استكمل: “أخيرا هرجع لحياتي الطبيعية، بالتدريج طبعا مش مرة واحدة.. وهعمل كل الحاجات اللي وحشتني قوي، طبعا مع كل الإحتياطات اللازمة علشان مفيش دليل لحد دلوقتي بيقول إن لا يمكن أتعدي تاني.. وأخيرا هبدأ أعمل كل الحاجات اللي قررت أعملها أول ما أخف”.