سلوى محمد علي: "مبسوطة إن محيي إسماعيل وافق على مقلب رامز"

علّقت الفنانة سلوى محمد علي على مشاركة الفنان محيي إسماعيل في برنامج رامز مجنون رسمي، الذي يقدمه الفنان رامز جلال في رمضان على قناة mbc مصر.

نرشح لك: محيي إسماعيل لـ رامز جلال: محدش رباني إلا أنت

كتبت سلوى منشورا على حسابها عبر موقع فيسبوك: “السنين الطويلة اللى ما اشتغلهاش محيى إسماعيل محدش سأل الراجل ده عايش منين وهو راجل كرامته فى السما، قافل على نفسه بابه وما بيطلبش حاجة من حد، آخر سنة قال كلمة فى انترفيو عمل تريند”، مضيفة: “بعتوله فى برنامج رامز إللى بيدفع مش بطال الراجل راح ركب المرجيحة اللى هناك ومرجيحة بمعنى مرجيحة ويبدو أنه لازم يكمل أو مايقبضش وده حرص عليه رامز ووافق عليه محيي”.

أردفت: “احنا شوفنا قطع صريح بعد وقوعه وده وقت حصل فيه نقاش، ممثل اشتغل وأخد مقابل ماشحتش من حد.. ورامز قال اتنين مجانين بيقابلوا بعض”، أكملت: “خلاص عن نفسى مبسوطة أنه وافق عالبرنامج وأخد فلوس فى الأيام دى وغنّى وعمل شو هو بيحبه.. هو طفل كبير ومارس طفولته”.

 

الجدير بالذكر أن محيي إسماعيل حل ضيفا على البرنامج، في حلقة أمس الأربعاء، والتي تفاعل معها رواد مواقع التواصل الاجتماعي وتصدرت محركات البحث وتريندات موقع تويتر.

نرشح لك: شاهد: محيي إسماعيل أول فنان يسمح لرامز جلال بصباغة شعره