تامر أمين: ولادي مش بيتفرجوا على محمد رمضان

أكد الإعلامى تامر أمين، إنه رفض الاشترك فيما أسماه “المهزلة” الإعلامية والسياسية التي حدثت بعد ثورة 25 يناير 2011 ، قائلا “بعد الثورة اتقال تامر أمين خلاص راحت عليه، ولكن الأيام أثبتت حسن موقفى، والدليل إني اشتغلت في أهم القنوات مثل قناة الحياة، والآن النهار”.

نرشح لك: تامر أمين عن حنين حسام: ” يتقرص ودنها وتعرف إن الله حق”

أضاف “أمين”، خلال برنامج “شيخ الحارة والجريئة“، الذي تقدمه المخرجة إيناس الدغيدي، على قناة القاهرة والناس، أن برنامج الإعلامي وائل الإبراشي، هو جيد للغاية، إلا أنه علق ساخرا: “وائل بيقدم التوك شو بتاع التليفزيون المصري علشان ساكن جنب التليفزيون.

تابع: “التليفزيون ده بيتي وبتشرف بيه، والاتصال كان مفتوح مع المسئولين طول السنين اللي فاتت للعودة، ولكني كنت بشوف أن العودة لابد أن تكون على مستوى البيت بيتك لأن الناس هتقارن.. وبرنامج وائل الإبراشى مش زي البيت بيتك .. البيت بيتك ماجاش زيه”.

وعن هجومه على الفنانة شيرين، قال “أمين” “شغلتي غير شغلة شيرين عبد الوهاب، وهي في الغناء عظيمة، ومن أفضل الأصوات اللي جت فى مصر، ولكن ده مالهوش علاقة بهجومي عليها.. أنا لما بدخل الاستوديو بنسى كل حاجة”.

وعن علاقته بالفنان محمد رمضان، وهجومه المستمر عليه، قال: “مش حقيقي إني بهاجم رمضان علشان أستفز جمهوره ويتابعوني.. رمضان عنده كنز وثروة بيضيعها بإيده، وبستخسر اللي هو بيعمله، وولادي مابيتفرجوش عليه.”