حمو بيكا: "محمد رمضان بيقلدنا"
قال مطرب المهرجانات حمو بيكا، إنه لا يقلد الفنان محمد رمضان بنشر صوره بجانب سيارته، مؤكدا أنه لم يقلد “رمضان” ولا غيره من الفنانين.
نرشح لك: حسن شاكوش عن حمو بيكا: “بتفرج على فيديوهاته وأضحك”
تابع خلال حلوله ضيفًا على برنامج “شيخ الحارة والجريئة” مع المخرجة إيناس الدغيدي على قناة القاهرة والناس: “أنا مش بقلد حد وأنا عندي عربيتين، والعربيات اللي عندي جايبها قسط وقبل الشهرة كان عندي موتوسيكل وبعدين العربيات”.
أردف أن محمد رمضان هو الذي يقلدهم في الفن الشعبي، مضيفا: “محمد رمضان اللي بيقلدنا وهو ممثل المفروض ملوش علاقة بالغناء، وهاتوه لو هو مش ممثل يغني مهرجانات ولا كان حد عرفه، والناس بتسمعه عشان هو كان ممثل محبوب”.
كما رفض حمو بيكا، مقارنته بالمطرب الشعبي مجدي شطة أو اعتبار شطة أفضل منه من ناحية الأداء والغناء، قائلا: “مفيش حد أفضل مني ومين اللي يقارني بمجدي شطة، ومجرد ذكر اسمي شهرة له، وأنا أكبر من أني أرد عليه ولو مجدي شطة صوته حلو يبقى مصر كلها صوتها حلو”.