مروة صبري: "الرجالة طلعوا أشطر من الستات"

سمر فريد

وجهت الإعلامية مروة صبري رسالة شكر للرجال، للالتزام بحظر التجول، لمواجهة فيروس كورونا المستجد كوفيد – 19.

وقالت “صبري” خلال حلقة اليوم الإثنين من برنامج “قعدة ستات” المذاع على قناة القاهرة اليوم: “كلمة حق لازم تتقال في حق الرجالة من بداية فترة الحظر، طلعوا أشطر من الستات في حاجات كتير عشان هما متعودين على قعدة البيت، وبعد ما مروا بحالة الاكتئاب في الأول دلوقتي بقوا أشطر من الستات في المطبخ، متسائلة: “حد ممكن يصدق إن الرجالة تغسل المواعين وتشغل الغسالة؟ بصراحة الرجالة عملت كل حاجة”.

وأضافت: “دا كله بجانب الواجب اليومي وهو “الخناق” بعد ما خلص غسيل وطبيخ وحط البهارات على الأكل وكمان ذاكر للعيال أون لاين”، “بجد الرجالة عملت إللى عليها واكتشفوا حاجات كتير بيقدروا يعملوها”.

وعرضت “صبري” فيديو لأحد الرجال خلال خلال فترة الحظر، حيث قال: “أنا تعبت.. كنت عامل نظام أروح الشغل من 9 لـ 5 وبعد كدا أنظم خناقة مع مراتي، وأنا إللى بفتعلها عشان اليوم لازم يعدي وبعدين أصالحها، وبعد كدا مفيش حاجة بعملها، لكن في الفترة خلصت كل أسباب الخناقات ومش لاقي غيرها”.

نرشح لك: متصلة تعترف بالسرقة على الهواء وتطالب برد المبلغ