كواليس أول مقابلة جمعت "مبارك" بطلعت زكريا

روت الفنانة إيمي طلعت زكريا، كواليس أول لقاء جمع والدها الراحل الفنان طلعت زكريا، بالرئيس الأسبق محمد حسني مبارك.

قالت إيمي عبر حسابها على موقع تبادل الصور والفيديوهات “إنستجرام”: “رد الجميل.. كان بابا بيحكيلي عن مقابلته للرئيس لأول مرة، وكان راجع فرحان أوي بصرف النظر عن أنه وقف جنبه ورجعه مصر بعد رحله علاج طويله في باريس”.

تابعت: “وبعد رجوع بابا من فرنسا وتماثله للشفاء كلمه الرئيس في التليفون وقاله نفسك في ايه يا طلعت، قاله انى أشوفك يا ريس.. وفعلا بعد عام من المكالمة دي كلمه مكتب الرئاسة وقاله في ميعاد مع الرئيس غدًا، وافتكر اليوم ده كويس بابا منمش لغايه ميعاد المقابلة”.

أضّافت: “وأول الريس لما شاف بابا قاله أنت جاي تقابل رئيس جمهورية يا طلعت مش لابس بدلة ليه جاي بقميص وبنطلون وضحك معاه، قاله من كتر التوتر يا ريس معرفتش بلبس ايه.. قد ايه كان راجل جميل، ربنا يرحمك يا ريس انت وبابا وكل امواتن، لغاية الآن إحنا على تواصل مع علاء مبارك ودايما بيسأل علينا”.

يذكر أن الرئيس الأسبق محمد حسني مبارك، رحل عن عالمنا اليوم، عن عمر ناهز الـ 91، بعد أسبوعين من إجرائه عملية جراحية بإحدى المستشفيات العسكرية.

View this post on Instagram

رد الجميل 🌹🌹كان بابا بيحكيلى عن مقابلته للرئيس لأول مره 😊وكان راجع فرحان اوى بصرف النظر عن انه وقف جنبه ورجعه مصر بعد رحله علاج طويله ف باريس ..وبعد رجوع بابا من فرنسا وتماثله الشفاء كلمه الرئيس ف التليفون وقاله نفسك ف ايه ياطلعت ☺️قاله انى اشوفك ياريس ..وفعلا بعد عام من المكالمة دى كلمه مكتب الرئاسة وقاله فى ميعاد مع الرئيس غدا✌️ وافتكر اليوم ده كويس بابا منامش لغايه ميعاد المقابله🙈 وأول الريس لما شاف بابا قاله انت جاى تقابل رئيس جمهوريه ياطلعت مش لابس بدله ليه جاى بقميص وبنطلون وضحك معاه😁قاله من كتر التوتر ياريس معرفتش بلبس ايه ..قد ايه كان راجل جميل 😊ربنا يرحمك ياريس انت وبابا وكل امواتنا❤️🙏لغايه الان احنا على تواصل مع علاء مبارك ودايما بيسأل علينا 👌

A post shared by Emy Talaat Zakaria (@emytalaatzakaria) on