أسما شريف منير تودع برنامج "أنا وبنتي"
ودعت الإعلامية وخبيرة التجميل أسما شريف منير، برنامج “أنا وبنتي”، بعد انتهاء الموسم الثاني له، والذي شاركت فيه التقديم والدها شريف منير.أسما شريف منير تودع أنا وبنتي
قالت أسما عبر حسابها على موقع تبادل الصور والفيديوهات “إنستجرام”: “أول تجربه ليا خلصت وكانت أحلى تجربة في حياتي، كان ليا الشرف أني اشتغل مع أبويا نجم كبير وخبرة عظيمة اتعلمت منه كتير، وكان ليا الشرف برضه إني أحاور نجوم كبار و شباب واكتسب من خبرتهم بشكرهم كلهم نورونا واسعدونا”.
تابعت: “أحب أشكر شركة سينيرچي والأستاذ تامر مرسي اللي اديتني الفرصة كا شبه آني اكتسب كل الخبرات دي وعلى ثقتهم فيا رغم أنه كان أول عمل ليا، وأحب خصوصًا أشكر الأستاذ عمرو كمال لأنه أكتر واحد كان مديني الثقة ووقف جنبي وأداني ثقة في نفسي كنت حقيقي محتاجها”.
أردفت: “أغلب الناس بتقول أنا أحب أشكر فريق العمل وخلاص بس بجد دول كانوا أهلي وعزوتي وقلبهم كان عليا في كل خطوة بعملها، إياد صالح مثلًا من أكتر الأشخاص اللي أنا سعيدة أني عرفتها واتعلمت منها مش ممكن الثقافة وخفة الدم والمجهود اللي بذله كان ماسك تقريبًا كل البرامج وعمري ما حسيت أنه مش مش فاضي أو مش معانا”.
أضّافت: “اشتغل معانا فريقين عمل بذله مجهود غير عادي عشان نطلع بأحسن صورة، كنا حابين إننا نتكلم عن أغلب المواضيع الحياتية من وجهة نظر جلين عشان نوصل أكبر كم من الطاقة الإيجابية ونتعلم من بعض بشكل صحي حتى لو هنتنأر، مواضيع الـ ٣٨ حلقه اللي قدمناهم كانوا عن الصداقة، الشارع، الحب، الإنسانية، التعليم، التربية، الجدعنة، و حاجات كتير تانية”.
اختتمت أسما شريف منير: “أتمني أننا كنا عند حسن ظنكم بشكر كل الجمهور اللي تابع الحلقات، كنتم دعم كبير وانتوا كمان ملاحظاتكم كانت مهمة جدًا بالنسبالي وعلمتني كتير، ادعولي بقي أن تجربتي الجاية تكون حلوة إن شاء الله، بحبكم”.
نرشح لك: رد حلا شيحة على زواجها من رجل أعمال