وفاء صادق تهاجم طليقها
هاجمت الفنانة وفاء صادق طليقها، بسبب رفعه قضايا استئناف ضدها وامتناعه عن دفع مصاريف أبنائهما، على حد قولها. وفاء صادق تهاجم طليقها
أوضحت “صادق” عبر حسابها الشخصي على موقع “فيسبوك”، أنها متخذة قرارًا بعدم الحديث عن أمورها الشخصية على “فيسبوك”، متابعة: “بس لاقيت إن أكيد فى ناس زى كتير وأمهات زى كتير ..فقررت أن الموضوع ده لازم قضية رأى عام”، مضيفة: “دى واحدة فقط من صور الاستئناف اللي رافعها أبو أولادى ..قلت تشاركوا معايا أخلاق الابهات وبعض الرجال فى هذا الزمن”.
أكملت: “أولا.. هو بيقول إنى مدخلاهم مدارس غالية فى حين أن ابنه بقى فى الجامعة وهو مش واخد باله أصلا، ده غير زى ما هو واضح فى الإعلان أنها مصاريف سنتين يعنى السنة بحاولى 20 اللي هو ربع المصاريف اللي أنا أصلا بدفعها”.
في نفس السياق أضافت: “ثانيا ..هو ماله أنا ممثلة مشهورة ولا معايا فلوس ولا لا دى مسئوليته هو فى الأول والآخر..وكأنه حيشاركنى كمان فى أكل عيشى نسى أنى ست بطولى وبصرف على نفسى من مأكل ومشرب وكسوة، ده غير أنى فاتحه البيت اللي ولاده عايشين فيه”، لافتة إلى أن طليقها زوّر أوراقًا ليمتنع عن الصرف على أبنائهما، موضحة: “ثالثا..هى وصلت انك تدعى انك موظف فى شركة ضارب ورق كل ده علشان متصرفش على ولادك؟ ده ولا بتدفع مصاريفهم اليومية ولا أكل ولا شرب ولا فسح كمان التعليم حتى مش عاوز تدفع نصه”.
استطردت: “أنا فخورة انى وصلت بولادى وحكمل معاهم بعون الله.. بس انا مش حسكت على حقوق الأمهات والاولاد الضايعة لمجرد أن فى واحد خلف ورمى”، مستنكرة دفع طليقها مصاريف هذه القضايا للمحامين في حي أنه كان أبنائه أولى بها.
وفاء صادق تهاجم طليقها
نرشح لك: سبب انفصال عادل صادق وزيزي البدراوي