شاهد: أول فيلم قصير لنجل أحمد السقا
سارة عوض
نشر ياسين نجل الفنان أحمد السقا، عبر قناته الرسمية بموقع يوتيوب، فيلم قصير باللغة الإنجليزية من بطولته بعنوان Inside out، والذي يهدف من خلاله إلى توصيل رسالة تدعو للأمل، لكل من يمر بمرحلة صعبة في حياته، خاصة الشباب في مرحلة المُراهقة، والخروج من هذه الحالة السلبية من خلال التفكير بشكل مُختلف وإيجابي.
علق “ياسين” عبر حسابه على موقع تبادل الصور “إنستجرام” على الفيلم قائلا: “ناس كتير، علي مستوي العالم, بتواجه مرحلة معينة في حياتهم، و هما في سن صغير. المرحلة دي بيتعرضوا فيها لظروف بتخليهم يفقدوا أي أمل في الحياة و بيحسوا أن حياتهم ملهاش لازمة.” واستطرد: “المرحلة دي ممكن تخليهم يعملوا أي حاجة عشان يهربوا من الاحساس دا أو عشان يعبروا عن نفسهم بطريقة غلط، ممكن تأذيهم شخصيًا، ودلوقتي جه الوقت اللي هعرضلكم فيه المرحلة دي من حياة ناس كتير”.
نرشح لك: شاهد: أين اختفى هؤلاء النجوم؟
وتابع “ياسين”: “لازم نبطل نحكم علي الناس، ولازم نعرف كويس أن كلامنا ممكن يقتل أي حد بيعدي في مرحلة صعبة فيها ضغوط هوا أصلا مش عارف يستحملها ،و دا عشان محدش فينا عارف ايه الظروف اللي غيرنا بيعدي بيها”.
واعتذر الفنان الشاب عن إطلاق الفيلم باللغة الإنجليزية، ومُشيرًا إلى أنه سيتم ترجمته قريبًا.