جابر القرموطي يدخن "شيشة بالبامية" علي الهواء
سخر الإعلامي جابر القرموطي من ارتفاع أسعار الخضروات خاصة “البامية”، قائلًا: “الواحد لو خلف بنت هيسميها بامية، بعد كده البامية هتبقي بدل الشاي، ولو رايح تخطب لابنك او بنتك لازم تجيب بامية”.
وتابع قائلًا: اللي هيخطب مفيش داعي يأخد دهب معاه، كفاية يأخد بامية، ونسايبك لو دخلوا البيت ولاقوك حاطط البامية علي الطربيزة، هيعرفوا إنك معاك فلوس ومن الأعيان، ولو في ضيف مش عجبك قدمله بامية بايتة”.
وأحضر “القرموطي” “الشيشة” علي الهواء، ووضع بها أجزاء من “البامية” وقام بتدخينها ساخرًا: “بعد كده نشرب الشيشة بالبامية، وروح اعمل دماغ بامية، بدل المعسل، ياااه جامدة قوي”.