سماح أنور تنتقد رواد الفيس بوك : لطّيمة و شّتيمة و مُدعي دين
انتقدت الفنانة سماح أنور رواد مواقع التواصل الإجتماعي خاصة الفيس بوك، مشيرة إلى أن الفيس بوك غرض سياسي خارجي لغرس أفكار معينة لدى الشباب، قائلة “إحنا إستُخدمنا بالفيس بوك، لأنه غرض سياسي خارجي بحت مش لمصر بس، لأ للعالم كله، إزاي أحقن فكرة و أخلي الناس كلها تتكلم فيها دلوقتي”
و أضافت “أنور” خلال استضافتها ببرنامج “عسل أبيض” التي تقدمه الإعلامية حنان فوزي على قناة TeN ، “أنا قسمت رواد الفيس بوك إلى 3 مجموعات، الأولى مجموعة اللطيمة اللي بيعيطوا كتير، ويقولو ليه يارب كده وبيبقوا متشائمين جداً، والمجموعة التانية هى المجموعة الدينية أو مُدعي الدين اللي بتبقى عبارة عن ناس مش فاهمة أى حاجة وبتقول أي حاجة وخلاص لمجرد الجدل فقط، أما المجموعة التالتة هى مجموعة الشّتيمة أو بتوع السياسة، اللي هما ليشع من تل أبيب وعامل نفسه محمد من أسكندرية مثلاً”.