ياسر ورامز جلال يحذران من الحسابات الوهمية
هالة أبو شامة
وجه الفنان ياسر جلال رسالة إلى رواد مواقع التواصل الاجتماعي، ينفي فيها وجود أي حسابات شخصية أو صفحات رسمية له على هذه المواقع.
قال “جلال” في مقطع صوتي نشره على الحساب الشخصي لشقيقه الفنان رامز جلال، على موقع تبادل الصور “إنستجرام”: “كل سنة وأنتوا طيبين، النهاردة 5\8\2018، وأنا أحب أقول لكل الناس اللي مهتمة تعرف أخباري، إني مليش أي أكونت أو بيدج لا على فيس بوك ولا تويتر ولا إنستجرام”.
أضاف قائلاً: “وأي بيدج أو أكونت عليه اسم ياسر جلال، دا أكيد أكونت مزيف وبيدج مزيفة، أنا بس بقول كدة عشان رواد السوشيال ميديا ياخدوا بالهم، لأن في أخبار كتير بتنزل ملهاش أي أساس من الصحة، ولا ليا علاقة بيها”.
من جانبه، علق رامز جلال، على المقطع الصوتي الذي نشره، كاتبًا: “رسالة إلى أجدع فانز، أخويا ياسر جلال ملوش أي حسابات على السوشيال ميديا، وأي حد يقول حاجة على لسانه فهى أخبار مزيفة، وعلى فكرة دي الصفحة الرسمية بتاعتي رامز جلال، وأي صفحة تانية مليش علاقة بيها”.