صور: رسالة مودي الإمام إلى شقيقه حسين - E3lam.Com
نشرت صفحة قناة CBC رسالة وجهها الموسيقار مودي الإمام إلى شقيقه الراحل الفنان حسين الإمام الذي توفي عام 2014، من خلال ظهوره في برنامج “صاحبة السعادة” في حلقتي هذا الأسبوع.
نرشح لك – أبرز ما جاء في الحلقة الثانية من The Voice
رسالة مودي إلى شقيقه الأكبر حسين، نشرتها صفحة القناة من خلال ألبوم صور، جاءت الرسالة كالتالي:
“لسه مستني رنة تليفونك وسؤالك عن صحتي وأحوالي بإلحاح زي عوايدك، لسه مستني تزورني عشان تعلمني جودو ومصارعة روماني ونغني سوا، ونضحك لمام عينينا تدمع، ولسه عاوز أثبت لك قد إيه أنا بقيت قوي وماهر، وفاهم، وشجاع.
لسه حاسس إني محتاج أوريك قد إيه أنا عازف ماهر على الدرامز والبيانو والجيتار، ورسام ممتاز زي ما علمتني. وله حاسس إنك هتزعق وتخلي بلطجية حوش المدرسة يجروا من قدامك زي الفراخ وأنا واقف جنبك، قصير ومزقطط.
ولسه عاوز أطبخ لأثنين عشان لو اتصلت وزرتني ناكل سوا وندردش،ونعزف ونغني.
لما بتكلم مع نفسي وأنا لوحدي بسمعك في صوتي، وبهدا وأطمئن و أرتاح. ماعنديش شك إننا هانجتمع تاني زي عوايدنا.
أنا لسه باحس وأنا بعدي الشارع إنك هاتاخدني من إيدي عشان أبقى في أمان وماتوهش”
جدير بالذكر أن برنامج “صاحبة السعادة” تقدمه الفنانة إسعاد يونس، ويُعرض يوم الإثنين والثلاثاء في الساعة الحادية عشر مساءً على شاشة قناة CBC.
