شاهد: تفاصيل خدعة فيفي عبده لممثل هندي - E3lam.Com
ظهرت الفنانة فيفي عبده في الحلقة الثانية من برنامج “SNL بالعربي” المذاع عبر فضائية ON E وقالت في بداية البرنامج: “البرنامج لذيذ جدا وكل اللي فيه لذاذ جدا وأنا حبيتهم جدا، وأنا بقالي 3 أيام معاهم بس من أسعد الـ 3 أيام اللي قضيتهم في حياتي”.
وتابعت فيفي عبده قائلة: “رحت اتعزمت في الهند علشان أعمل فيلم اسمه (ساند سونا) يعني الدهب والفضة بالهندي.. وكان معايا ممثل كبير جدا والمفروض إن الراجل واصل قوى.. وكنت كل ما بشوفه راكب عربية بقوله أنا عندي زيها بالظبط في مصر.. ولو لابس بدله بقوله عندي نفس اللون وأي حاجة كمان.. وبعد ما رجعت مرت الأيام ولقيته بيكلمني بيقولي أنا جاي مصر.. وأنا كان النعر والكذب قايلاله حاجات كتيرة جدا.. والمهم جريت على واحد سمسار وقلتله نقيلي أكبر قصر في مصر علشان جايلي ضيوف فيه”.
واستكملت فيفي عبده: “استملت القصر قبل الضيف ما يجي بساعة.. وطلعت على المطار علشان استقبل النجم الكبير اللي هيتفرج على مصر وحلاوة مصر.. وأنا راجعه معرفتش المكان فاضطريت إن أروح على السمسار أقوله امسك أي حاجة قدامي وأنا وراك علشان أعرف المكان فين.. فدخل القصر ومفيهوش أى حيوية.. فقالي القصر كبيرة جدا ومش عاجبه.. وقلتله تيجي نروح لـMy Mother فقالى OK honey فقلتله يلا يا Sweet وخدته ورحت عند أمي في البيت وكان في إخواتي ودخلت وعجبه البيت جدا اللي في الزمالك وحس بدفئ فيه.. ده لأن الكذب ملهوش رجلين من الآخر”.