مطالبة بمقاطعة "جو باص" بسبب سوء الخدمة - E3lam.Com
عبّر بيتر رامز، أحد رواد موقع التواصل الاجتماعي “فيس بوك” عن استيائه من شركة السفر “جو باص”، والتي قال إنه استقل إحدى حافلاتها المتجهة من الغردقة إلى القاهرة، في الواحدة والنصف من ظهر أمس.
وذكر بيتر أن الحافلة تعرضت لعطل في الطريق، رغم أنها تنتمي للفئة الأعلى في الشركة، وهي الحافلات التي تتكون من طابقين، ويبلغ سعر تذكرتها 290 جنيه لرحلة (الغردقة- القاهرة).
وبحسب رامز، وصلت الرحلة في التاسعة مساء، بعدما تم تغيير الحافلة بأخرى ذات درجة أقل، مع صعوبات أخرى تعرض لها الركاب، حكاها بيتر في منشور، تداوله أكثر من ألفي مستخدم للموقع، والذين طالبوا بمقاطعة الشركة، وجاء نصه المنشور كالتالي:
“شركة #gobus لنقل الركاب من القاهرة للغردقة وأماكن ساحلية أخرى زى إسكندرية والساحل الشمالي وشرم الشيخ قررت تشتري عدد ٣ أتوبيسات دورين شكلهم يبدو أنه نضيف لكن المفاجأة أن الشركة تقريباً مش عارفة تدير الأتوبيسات أو حتى تشغلهم!
النهاردة اتحركنا فى باص رقم ٥٠٤ أتوبيس عام البحر الأحمر رقم الرحلة 677409 المتوجهة من الغردقة للقاهرة الساعة الواحدة ظهراً!
١- الأتوبيس ده مخصص لأعلى درجة ( elite ) وتمن التذكرة الواحدة ٢٩٠ جنيه و دي أعلى درجة موجودة فى الشركة.
٢- الأتوبيس أتأخر ١٥ دقيقة واتحركنا الساعة ١،٣٠ ظهراً لحد ما الناس حطت شنطها وركبت!
٣- بعد ما اتحركنا بأقل من ساعة واحدة تعطل الأتوبيس عند كمين الأحياء وعلى بعد ٢٠ كيلو فقط من الغردقة!
٤- سواق الأتوبيس من غير إلقاء اللوم عليه قالنا فى مشكلة فى كهربة الأتوبيس وإن فيه لمبة حمرا كانت منورة وهو بيتحرك وقدامنا على الأقل ساعة لحد ما يجيى من ال head office للشركة فى الغردقة!
٥- إحنا دلوقتى واقفين فى الصحرا على طريق سفر ومحدش بيعمل أى حاجة كالعادة ومعانا أطفال تعبانين من الحر وكبار سن فى منهم اللى عيان وعندوا مواعيد أدوية”.
