عصام الحضري يرد على اتهامه بـ"البخل الشديد"

حل الكابتن عصام الحضري حارس مرمى منتخب مصر، ضيفًا على برنامج “إخوات ولا”، الذي تقدمه الإعلامية مروة صبري وشقيقتها الفنانة عبير صبري، على محطة “الراديو 9090”.

قال عصام الحضري، حارس مرمى نادي وادي دجلة ومنتخب مصر الوطني، إنه كان متسرعًا في العديد من القرارات في السابق، لكنه في الفترة الأخيرة أصبح خلاف ذلك، ويحتاج لفترات طويلة للتفكير في الكثير من الأمور.

من جانبها، وجهت “مروة” سؤالًا لـ”الحضري” في فقرة بعنوان “المطب”، قائلةً: “معروف عنك إنك بتحب الفلوس وبخيل جدا والدليل إنك مع شوية فلوس زيادة بعت النادي اللي عمل اسمك واحترفت ورميت كل تاريخك ورا ضهرك.. إيه تعليقك؟”.

فرد الحضري قائلاً: “أولا فيما يخص الفلوس.. إنتي ما بتحبيش الفلوس؟”، لترد عليه قائلةً: “اه بس مش بموت فيها”، ليقاطعها بقوله: “بس أنا بموت فيها.. لأن انا بشتغل وبتعب وبحرم نفسي وبعمل حاجات كتير لو واحد مكاني عمل ده كله وعنده طموح ملهوش حدود هيحب الفلوس كده.. وأي حد عايش الحياة.. الفلوس هي اللي بتعيشه.. لأني عندي أسرة ومطلوب مني أعيشهم أحسن عيشة وأحافظ على الفلوس اللي بتجيلي”.

وتابع مشددًا على أنه ليس بخيلًا، بل كل ما يهمه هو أن يجعل أسرته وأهله في أفضل مكانة في المجتمع، مضيفًا: “مش مطلوب مني إن أنا عشان أفهم الناس إني مش بخيل أروح ابعت شيكات واصرف.. لأزم يبقا عندك حرص على فلوسك شوية”.

على صعيد أخر، لفت إلى أنه “جدع” مع أصدقائه وزملائه دومًا، لكن كل شيء له حدود، مستطردًا: “أنا ببقا جدع مع الكويسين معايا، ووحش مع اللي بيكونوا وحشين معايا.. بس في الأول وفي الأخر أنا اللي بحاول أعلّم على أي واحد صاحبي عشان أفهمه ان أنا جدع وبقف معاك، لما ما بيردش الموقف ليا تاني ما بكرروش”.

https://www.youtube.com/watch?v=9DVmbQCe9uU