عمرو مصطفى يعتذر لـ دياب : رمضان كريم - E3lam.Com
اعتذر الملحن عمرو مصطفى إلى الفنان عمرو دياب، وذلك من خلال منشور على صفحته الرسمية بموقع التواصل الاجتماعي “فيسبوك”.
قال “مصطفى” الذي كان قد هاجم “دياب” من قبل: “عزيزي عمرو دياب.. اتقدم باعتذار رسمي لما بدر مني وتم فهمه بدون قصد بأنه تجريح في شخصكم.. ولانه تم في العلن أعتذر في العلن وكل عام وأنتم بخير .. رمضان كريم”.
كان الملحن عمرو مصطفى قد قال سابقا عبر صفحته الرسمية بموقع التواصل الاجتماعي “فيسبوك”، إنه لا يريد العمل مرة أخرى مع الفنان عمرو دياب.
أضاف “مصطفى”: “ورحمه ابويا انا لا عايز اشتغل مع عمرو دياب تاني ولا فارق معايا ولا بحب اجيب سيرته في برنامج لولا المعدين المتخلفين الي بيقحموا اسمه معايا في جمله مفيده خلصنا بقي مرحلة وعدت اقسم بالله العظيم لو ادفعلي مليون جنيه في اللحن ما هشتغل معاه تاني”.
تابع: “انا بحبه وبحترمه ويارب يكسر الدنيا اول واحد هيفرحله اتلموا بقي وسيبوني في حالي وفِي موسيقتي الفتره القادمة وعلشان ترتاحوا الي هيجيب اسمه في اي برنامج مستضفني هسيب البرنامج وأقوم امشي ارحموني في ايه هو اله في ايه خلاص عملتله تاريخ وخلصنا ولو بتحبوه قوي قولوله ميغنيش اغنيا تاني وشيلوها من اليوتيوب ومتسمعهوهاش تاني عقابا ليا”.
