سبب حزن زوجة "أوس أوس" في حفل الزفاف - E3lam.Com
علقت إيمي أسامة، شقيقة الفنان محمد أسامة الشهير بـ”أوس أوس” على الانتقادات التي طالت زوجة أخيها رويدا سالم، بسبب ظهورها في الكثير من صور حفل زفافها على “أوس أوس”، الإثنين الماضي، وهي حزينة.
وقالت “إيمي” عبر حسابها على موقع “فيس بوك”: “طب نقول كام معلومة على السريع كده، أولًا العروسه مش كئيبة بالعكس دي أطيب خلق الله ونعمة من ربنا أنه رزقنا بها في أسرتنا، الفكرة أن البنت استلموها تصوير من وهي في غرفتها لحد 2 بليل طبيعي هتفرهد ومش هتعرف تواصل الضحكة لآخر صورة”.
وأضافت: “الصور بتاعة الفلوس تعمل كل حاجة والجو القلش ده مجرد هزار من الناس ده ميديش أي حد الحق في إنه يدخل ويتفلسف ويقول دي اتجوزته ليه، ولا هو اتجوزها ليه، مش أول اتنين يتجوزوا يا جدعان، الأهم بقى في ناس كتير من حبايب وقرايب وأصحاب زعلانين جدًا أنهم متعزموش بس بجد والله الموضوع كان محكوم جدًا بعدد معين ودي قوانين الفندق نفسه ولازم نلتزم بيها ونعتذر جدًا والفرحة كانت ناقصة وجودكم كلكم”.
وتابعت: “آخر حاجه ياريت كل واحد بيحب أوس أوس يدعيله هو ورويدا بالخير ويجعل أيامهم سعيده، واللي مبيحبهوش خليك في حالك وبلاش صور وأي هزار سخيف”.
