ريهام سعيد : أنا أكبر من جمعية الأورمان - E3lam.Com
إعلام .أورج
ردت الإعلامية ريهام بأسلوب ساخر على التدوينة القصيرة التي كتبتها الناشطة داليا سامي عبر حسابها على فيسبوك وانتقدت ريهام الهجوم عليها وتوعدت بتقديم بلاغ رسمي بالإضافة إلي الرد على الهواء مباشرة خلال الحلقة المقبلة من برنامجها.
وكتبت داليا تدوينة قصيرة تقول فيها “الفنانة الإعلامية الكبيرة القديرة ريهام سعيد مقطعة نفسها وبتستغيث ويتناشد كل أهل الخير عشان تنقذ أطفال وتعملهم عمليات قلب في تركيا وعشان دموعك غالية علينا قوي الحمد لله في جهة عاوزة تتكفل بكل حاجه والعمليات هتتعمل في أحسن مستشفيات مع أحسن دكاترة/خبراء، هل ممكن ألاقي حد ليه دلال علي النجمة ويقولها توفر دموعها وتجيب الأطفال عشان نحدد مواعيد العمليات ؟ لو وافقت هتكسب دعوات كتير قوي مننا لو رفضت أتمني تعلن سبب الرفض”
وردت ريهام سعيد علي هذه التدوينة منتقدة صاحبتها ومتوعدة بالرد على الهواء معلنة اعتزامها تحرير محضر رسمي ضد صاحبتها التي تقوم بالتواصل مع الحالات الانسانية، نافية أن يكون معها معدين بالبرنامج يقوموا بالتواصل مع الحالات الإنسانية من أجل الحصول على نسبة من تكلفة علاجهم.
وكتبت ريهام تقول “علي فكره سيتم تحرير محضر رسمي بالسب و القذف و لآخر مره ماعندناش إعداد له علاقه بالحالات. كل دول نصابين”، مضيفة “عارفه انا بساعد كام واحد في اليوم؟ مابردش علي مين؟ انا ماعنديش تليفون لاستقبال الحالات. انا ماعنديش إعداد انا ماعنديش إعداد انا ما عنديش إعداد. مصر كلها بتدعي انها بتشتغل معايه. ده اخر بوست. الرد علي الهوا انشاء الله”.
وتسائلت فريدة إحدي المعلقات على التدوينة عن الطريقة التي يتم بها التوصل للحالات قائلة “انتي بتقولي معندكيش تليفون لاستقبال الحالات! أمال الأرقام اللي بتنزل في التلفزيون ايه؟ وازاي الحالات بتوصلك على كده؟”، فيما ردت عليها ريهام قائلة “الأرقام دي بتاعت القناه للدخول علي الهوا. الحالات عن طريق إرسال جوابات للقناه بقراها بنفسي و بحول الحالات بنفسي مفيش مخلوق ليه دعوه بالحالات”.
وقالت ريهام رداً على إمكانية تكفل جميعة الأورمان بالحالات “يا حبيبتي جمعيه الأورمان اضعف مننا بكتير اوي. عمليات القلب الي بيعملوها هنا دي احنا بنعمل منها ١٠٠ عمليه كل يوم. الحالات الي علي الشاشه دي ليها ٣ أماكن لندن و ألمانيا و اسطنبول الأرخص و الأسرع. خبرتنا في علاج الحالات اكتر بكتير من الأورمان. علي العموم انا مازلت مش موافقه علي البوست و الطريقه الغير مهذبه و الاتهامات الكاذبه الي ممكن تضيع كل المجهود الي بنعمله”.
إقرأ ايضا
ريهام سعيد من أمام أحد بيوت الدعارة
ريهام سعيد تدافع عن أمناء الشرطة
أهالي زفتى: نعم لريهام سعيد.. لا لوزير الصحة
ريهام سعيد على “البسكلته”
تابعونا عبر تويتر من هنا
تابعونا عبر الفيس بوك من هنا