باسم يوسف لـ"المصري اليوم": البعيد مابيشوفش؟
انتقد الإعلامي باسم يوسف، التقرير الذي نشره الموقع الإلكتروني لجريدة “المصري اليوم”، أمس الأربعاء، بعنوان: “6 مؤشرات ترجح عودة باسم يوسف لشاشة التليفزيون: «الإنترنت» مجرد بداية”.
وقال “يوسف” عبر حسابه الرسمي على موقع التواصل الاجتماعي “تويتر” :”أعزائي في المصري اليوم؟ إزاي ظهوري في لقاءات ومهرجانات بره مصر يشير إلى تخفيف القيود عليا.. البعيد ما بيشوفش؟”.
كما عبر “يوسف” عن استيائه من منع جمال عيد ، مدير الشبكة العربية لحقوق الإنسان، من السفر من قبل سلطات المطار، قائلًا: “أنا في منتهى السعادة أن جمال عيد واحد من النشطاء الحقوقيين اتمنع من السفر، مصر الآن أكثر أمانا. اقفل على مصر يا ريس”.
وتابع: “مبسوط قوي إن بالرغم ان مافيش تهمة أو جريمة ارتكبها جمال عيد إن تم منعه من السفر. قانون ايه ودستور ايه؟ ماحدش فاضي للكلام ده، اقفل عليها يا ريس”.
وأضاف: “مش محتاجين أي تهمة لمنع شخص من السفر أو الدخول لمصر أو للسجن اللي إحنا عايزينه. جمال عيد لازم ينقبض عليه مش بس يتمنع من السفر. ليه؟ أهو كده، أذكر سبب منع جمال عيد من السفر كان معاه بلالين (مشيها بلالين)، لا يملك تصريح صفحة فيسبوك، أهو غلاسة كده”.
