مواطن للسيسي: قبل ما أموت نفسي أشوف اللحمة بـ 35 جنيه - E3lam.Com
وجه مواطن يدعى “عمار” من دمياط رسالة للرئيس عبد الفتاح السيسي قائلًا: “الناس مخنوقة في دمياط، شعب دمياط اللي وقف جنبك بيقولك يا سيسي الأسعار هنا بقت فلكية، وبيقولولك إن وزير التموين بيعطي تصريحات بس التنفيذ مفيش”.
وطالب “عمار” في مداخلة هاتفية مع الإعلامي مجدي المجلاد، في برنامج “لازم نفهم”، المذاع عبر شاشة “CBC إكسترا”، بإيصال ما يحدث في الشارع المصري للرئيس، مضيفًا: “جيب الناس اللي زينا وأعمل حلقة وتقول للسيسي يتفرج علينا، لازم السيسي يسمعنا ويعرف إيه بيحصل من حكومته، حكومته مش عارفة تعمل حاجة”.
وأكد “عمار” أنه لا توجد مجمعات استهلاكية في دمياط، وتابع: “إنتو بتتكلموا عن شعارات، إنزلوا على أرض الواقع والشعب مطحون، والأسعار مولعة نار، ووزير التموين بيستفز الناس ويقول اللحمة بـ35 جنيه، قبل ما أموت نفسي اشوف الكلام ده”.