تعليق إكرامي على إيقاف رمضان صبحي حتى 2029: "ما تستعجلوش!"
علق إكرامي الشحات، نجم منتخب مصر السابق، على أزمة لاعب الكرة وزوج ابنته رمضان صبحي، بعد تأييد العقوبة الصادرة بحقه على خلفية قضية المنشطات والتلاعب في عينة إحدى الاختبارات، وإيقافه حتى عام 2029، مؤكدًا أن هناك خطوات مقبلة سيفصح عنها في وقتها.
قال "إكرامي" خلال استضافته في برنامج "اللعيب" مع مهيب عبد الهادي، عبر شاشة "MBC مصر": "قدر الله وما شاء فعل، هو نصيبه كده، والحمد لله إنه واقف على رجليه وبصحته وسط عياله، لكن إيه اللي ممكن يحصل بعد كده؟ في وقتها هقول، ما تستعجلوش".
أضاف: "في حاجة ممكن تحصل، بس ربنا يسهل. في حاجة اسمها التماس، بس لما نشوف حيثيات القضية من المحكمة الفيدرالية، هيبقى في خطوة بعدها، ربنا يسهل، والمحامين والمكتب السويسري يدرسها".
اختتم: "ليه ما يلعبش في أحد نوادي الهواة؟ ياريت يروح.. بيراميدز رفعه من القوائم، ومعنى كده إن عقده اتفسخ".